hehawewa

粉餅幾好用，粉質幼滑細緻，容易推開，用粉撲輕撲上面，薄薄一層，透明感高，遮暇力強，雀斑、暗瘡印等小暇疵都遮到80%，而且佢好保濕水潤，妝感貼服，持久自然。

乳霜質地，潤滑易推，推開後肌膚表層有明顯滋潤感，滲透度高，皮膚吸收快，感覺保濕鎖水，清爽不黏笠，但淡化眼紋同緊緻肌膚，效果麻麻。

味道清新，質地易推，唔乾澀，超清爽水潤，基本上四季都啱用，夏天可能會有少少出油，但要注意用量，唔小心用得太多，反而會有種黏黏笠笠嘅感覺 ，而且塊面會太白。

可以好好控制用量，好容易推開，質地比較偏粉底液，同一般BB霜相比較厚重，滋潤感較高，適合冬天用多啲。遮瑕效果比較好，一般痘疤、黑眼圈、毛孔都可以遮到80％以上，妝感透薄偏霧面，不易脫妝、浮粉。

質地比想像中清爽，吸收非常快，溫和唔刺激皮膚，用後潤澤清新、唔黏笠，肌膚都變得亮澤有光采。味道方面，個人覺得佢草本味太重，如果淡味啲會較好。

質地順滑易推開，薄薄掃上一層已經好顯色，單用一隻色，或者混色用都好靚，眼影顏色耐看，控油程度唔錯，妝效持久脫色。。

刷頭設計纖長濃密，好輕易從睫毛內部刷到外部邊緣，刷頭又比較細，唔容易沾染到眼周。質地順滑，做到睫毛根根分明，唔會起粒粒，效果立體，持久度佳。

對眉筆冇乜大要求，最重要個色啱就得，呢支眉筆筆芯幼細，順滑易上色，一下畫出嚟唔會太深色，好易控制，可以慢慢加深顏色。

粉質細緻，輕盈透薄，好貼服，妝感自然，含有吸油粉末，可以吸走臉上多餘油脂，控油唔錯，持久度高，但只有兩個顏色。

質地好滑順細緻，很易上色，好保濕滋潤，可以撫平唇紋搽足全日嘴唇都冇乾燥龜裂嘅不舒服感，遮蓋唇色效果好又均勻顯色，妝效持久，不易脫色。

唇膏質地易推，滋潤順滑，完全不須護唇膏即可直接塗抹，易上色，保濕度高又不黏笠，顯色度高，仲有效遮蓋唇紋，但持久度一般，要經常補色。

質地輕盈透薄，容易推開，滲透度高，皮膚吸收快，清爽唔黏笠，皮膚保水度佳，用後幼紋同皺紋明顯減少，皮膚觸感更細緻幼滑。