KikoC

一向我都係乳木果嘅忠實fans xD所以一見到係乳木果味就即刻買咗佢！搽上手個感覺好油同埋有啲笠！個質地又唔算易推，諗住用少少都唔可以搽勻對手~_~

個眼霜我係早幾個月買，可能嗰陣時仲係夏天。。搽落去好鬼笠！但係到近排搽返又的確夠潤又唔會覺得好笠之餘仲可以好快會平啲眼紋xD

個蜂王漿味幾勁！有啲似係可以擺落口咁樣xD搽完落塊面度之後都好保濕亦都好好用！好多時我都會搽多兩次落塊面度，因為佢吸收力好強！Good

呢個我嗰陣時同個磨砂一齊買，諗住配返一套嚟用實冇死啦！點知個磨砂我都唔ok，呢個洗面膏洗完之後塊面都係會痕＞＜我諗我都係對佢哋嘅嘢敏感架啦

呢個磨砂我都試過用嚟磨塊面 ，但係唔知點解磨完之後係乾淨嘅。。不過會紅得好犀利又痕！最後我都係攞咗嚟做身體磨砂~_~始終買咗冇辦法

喺屋企洗碗洗得多嘅話我對手就好容易生d水泡仔！搞到好痕同埋對手會好乾！每次洗完碗之後都會再攞呢個護手霜搽下，勝在夠潤又防敏感呀嘛

一直我都有做開水晶甲嘅習慣，所以啲手指好容易生倒刺同死皮＞＜同埋有陣時拆咗甲之後啲指甲會好易斷！但係搽咗呢個之後情況都有所改善

呢個潤手霜的確幾得意xD細細樽可以放喺手袋度！個樣又靚！一見到之後就買咗幾支用嚟送畀啲小朋友，鼓勵佢哋細細個開始護膚，唔係大咗就後悔

之前一直都用過呢個牌子嘅潤唇球！佢細細粒粒個樣好得意！唔算太貴，不過始終都係一分錢一分貨！係見啲小朋友鍾意就買幾粒送畀佢哋xD

保濕效果真係好好嘅質地亦都好易推唔需要用太多就已經可以搽勻成塊面！我個人比較慳家xD都唔敢一次過搽太多落去，實在太貴啦！

前排貪得意買咗呢個系列嘅護膚品呢用， 價錢真係貴到曉飛＞＜不過一分錢真係一分貨！用完之後塊面個膚色真係均勻咗好多同靚咗

其實都明知道去頸紋嘅精華不嬲都特別貴！不過佢係過份貴~_~但係用咗大半支就已經睇到頸紋明顯係淡咗好多！真係用錢買青春呀＞＜