KikoC

方便簡單，一㩒就係泡泡，唔使捽一大輪！感覺清爽乾淨，唔會話洗好耐都洗唔乾淨！又襟用！有陣時用嚟洗毛巾又得，啱曬大懶鬼嘅我XD

除咗個包裝高貴之外，其實用落都唔差，起碼唔會出出下街變咗熊貓眼，一但係都逃離唔到熱少少就會跌咁啲纖維落面度囉~_~

呢個base其實真係唔係人人都啱用，都唔可以一支打天下搽曬成塊面囉！最開頭試過搽完成塊面又青又白，十足十病緊咁

有陣時明明夜晚洗完頭，訓醒都會笠笠地。。用咗佢噴下個頭再摷幾下，個頭就乾爽返曬同鬆返曬！唔使做笠頭黨，不過試過噴多咗，啲頭髮就好似好重咁

之前見興過一排，啱啱冇曬碎粉就買嚟試下！價錢的確算平，不過幾平都冇用，真係好差！差到爆！又白，又有閃粉！搞到成塊面成個歌妓咁

好易就可以拉出長長睫毛，不過點搽都搽唔出濃密感！個外形拎出嚟的確幾靚，一見到就好有衝動買。。不過用落就真係麻麻~_~

聽啲朋友講話呢個晚霜幾好用，心思思一直想試下！到啱啱有個朋友拎咗啲比我試試，一打開個蓋聞到好強勁嘅香味~_~香得好誇張。。今晚試完再評價

除咗好用，就係好用！一支搞掂光陰影，劃幾下到掃開就已經得到想要效果，唔使專登買兩盒嘢返嚟，想要幾深色都冇難道！Good!

見價錢咁平，又唔係要刨嘅眉，又爭少少攞到會員禮物就搭咗一支嚟買，試上手個感覺又唔算難劃，感覺軟硬適中，等遲下試下劃上面再睇下係咪真係咁好用

呢支潤唇真係好正，我超超超中意！有色又唔會太紅，唔搽唇膏都得。。又夠潤（如果唔係經常乾到爆曬拆嘅話）方便。。。。一支過搞掂

好多朋友都用呢隻落妝水，話好乾淨又唔會油笠笠，佢地比咗啲旅行裝我試下，發覺又真係好ok喎，連眼睫毛液都落到，讚！

呢枝嘢。。如果普通遮下紅印都ok，暗瘡個啲就唔ok！始終遮瑕力唔夠，仲薄過粉底~_~如果簡單瑕疵點完上面印兩下都還可以嘅