BoLeePinkOn

呢支清爽細緻潔膚面膜我覺得幾滿意，容易推均，清洗亦方便輕鬆，用後肌膚感覺清爽，油脂分泌同黑頭都有改善，唯一不足係保濕唔夠比較乾咗啲。

好用，但又未去到勁好用嘅程度，主打天然成份，含有豐富的蘆薈修護頭部肌膚，性質溫和，用後乾淨得嚟唔會令頭髮太乾燥，順滑易打理咗。

幾鍾意呢支睫毛液，搽完濃密咗又唔會太誇張，平時返工唔鍾意用啲好豐厚嘅類型，想效果自然啲同對眼輕盈啲無咁負擔感，太厚對眼亦唔舒服，呢隻好啱我。

個粉盒好靚，加上價格算平所以買咗，但用完無預期咁好用，粉質算唔錯，幾細滑，但搽上面幾白下，粉感偏重咗啲，仲有控油太勁，用後肌膚頗為乾燥。

因為個嘴好易有死皮所以試咗呢支磨砂護唇膏，粒子夠幼滑唔粗糙，加上成份天然含有滋潤嘅可可巴油，除咗去死皮唇紋亦減淡不少，搽唇膏都上色啲。

試過太過平價嘅牙線真係唔好用，會好易磨爛又或者卡响牙縫郁唔到，呢隻都有試過，確係一分錢一分貨，氣味清香綫質堅韌得來用得好順暢，但價錢都係貴咵啲，所以都係傾向揀返啲中位價product為主

大地色系屬於穩陣派，都幾容易配搭，深淺不一色調可以隨意混合唔同風格，粉質夠滑，貼服持久，顯色度亦不俗，包裝簡約，帶出門夠方便。

呢隻街頭眼影組合頗多元化，由自然到珠光都有，仲有冷艷形格同熱情活力兩種選擇，一盒可以做到多款眼妝配搭，十分方便，顏色靚得嚟算大路唔會太難襯，持久度無預期中咁好但還可接受。

平時唔算太多買指甲油用，呢隻都算係幾好，質地順滑易控制，持久度良好，唔會太易刮花，易乾程度我覺得屬于正常OK，佢好在無咩太重指甲油果種難聞嘅味。

潤膚乳質地柔軟水潤，容易推開，滲透力唔錯幾快吸收，好用程度我覺得正常良好水準，其實又無咩特別，不過隻蜜糖香味我就幾鍾意，清甜得嚟好天然。

洗頭水性質頗溫和，泡沬幼細，有啲檸檬加草本氣味令人感覺幾舒服，洗完頭清清涼涼，好似成個頭都輕鬆咗咁，用咗一排頭皮問題有改善，功效不俗。

呢支眼線筆最正賣點係含有修護眼睫毛成份，呢點幾特別又有實際作用，值得一讚，支筆幾好用，勾畫線條容易控制及上色，持久力算唔錯但耐咗都有少少化。