BoLeePinkOn

質地幾水潤又唔會好笠，容易吸收，個人覺得幾好，用咗一段時間，亮白效果可見，但唔算明顯，膚色無再咁暗啞有返光澤，但對付已成形嘅斑作用唔大。

呢隻保濕水果平衡霜唔錯幾好用，價格唔貴，可以接受，質地清爽唔笠，香味淡淡地幾自然感覺良好，用後keep到油水平衡，適合香港轉季天氣使用。

面膜紙太薄，打開果陣時要好小心，唔係會幾容易扯爛，不過質料幾舒適而且貼面度唔錯，唔會太易走位或者跌落嚟，功能我覺得一般，不過價格親民用後無敏感，而且都有返一定保濕能力，都算一個可以考慮回購嘅選擇。

潤手霜味道清香，質地較滋潤厚身，唔算快滲透，但伸展性唔錯客易推勻，用完對手好滑好舒服，效果亦可以維持幾耐下，唔使點密密補搽好襟用，我會臨瞓前用第二日仲KEEP到無咩變乾。

呢隻唇彩幾好用，價格合理顏色都幾靚，既有唇膏嘅顯色度亦做到唇彩嘅亮澤感，順滑好搽，質地唔黏笠，除非個嘴乾得太離譜，唔係就咁搽都無問題夠滋潤。

保濕水珠頗為細緻分佈均勻，無酒精及防腐劑等有害成份，噴上面感覺舒服，有即時保濕同鎮靜肌膚嘅作用，用來做定妝效果亦唔錯。

呢隻遮瑕膏平得來幾好用，我比較鍾意用佢遮暗瘡印，因為佢cover力不俗，而且有防UV效果可以防止黑色素加深。質地頗順滑易推，不過用响眼周會有少少乾。

落妝效果良好，質地清爽保濕，溫和唔刺激，尤其落唇妝真係唔錯，即使持久度防水力較強嘅唇膏亦落得頗輕鬆徹底，唔會有顏色殘留响唇紋位置。

粉底液有淡淡玫瑰香，感覺幾特別幾討好，質地透薄唔侷促，容易推開，自然度我覺得一般，但好在貼服持久，而且妝效頗細膩精緻，雖然睇得出有搽粉但絕對唔會有面具感，所以都算幾滿意，只係防曬指數偏低同貴咗DD

呢隻底霜好嘅地方係質地滋潤，搽抺完之後有種亮澤感，個人覺得幾適合秋冬乾燥天氣使用，佢會比較水潤令粉底更貼服無咁易起乾紋，唔好就係幾厚身唔算容易推開，要俾D耐性慢慢搽勻。

顏色我幾滿意嘅，亮澤滋潤得來算係顯色度良好，D色亦都自然易襯，搽上嘴之後氣息好睇咗但唔會好重妝感，幾啱鍾意低調嘅朋友，至於定價本身唔算好貴可以接受。

整體來講普普通通，洗面膏嘅質感幾溫和唔刺激，泡沬亦算細膩，清潔能力正常，都洗得乾淨嘅，但話好好用咩又唔多覺，同一般其他洗面產品比較分別唔大，唔至於好用到值得特別推薦，不過都唔錯嘅，可以一試。