BoLeePinkOn

雖然有啲對我嚟講嫌佢唔夠清爽，有少少黏，但整體計落係唔錯，隻味好清香，成份溫和唔刺激，敏感肌膚都啱，加上保濕能力不俗，幾啱冬天使用。

呢隻我覺得價格合理，因為一支幾襟用下，每次擠少少就夠用，泡沬豐富幼滑，氣味亦清清地唔錯，洗面效果正常無咩特別，不過用後感覺都舒服嘅，肌膚無太乾燥繃緊。

洗面乳有啲玫瑰花氣味頗清香，性質亦非常溫和，潔面效果唔錯而且可以順便把卸除一般淡妝，非常方便，雖然唔係本身敏感肌，但冬天皮膚會比較乾燥脆弱，所以都依家都幾啱用。

同磨砂嘅功效差唔多，都係用嚟去死皮但就會比較溫和，用後感覺幾好，肌膚暗沉感改善咗，對其他護膚產品吸收亦有幫助提升，但減淡細紋呢樣我就無咩感覺。

呢隻牌子嘅潤膚產品唔錯而且選擇多，價格唔算好平但都叫合理範圍嘅，最近就試咗呢隻潤手霜，有啲微香杏仁味，唔會太濃俗，加上滋潤效果維持得幾耐，幾啱依家冬天使用。

整體嚟講係幾好用嘅身體乳液，做到應該有嘅滋潤肌膚效果，鎖水功能良好keep得幾耐，呢樣值得一讚，蘋果加薰衣草氣味配合得唔錯幾好聞。

呢隻爽膚水我幾鍾意同滿意，主要係因為適合我嘅肌膚性質，感覺舒服清爽，而且用後有效調節油脂分泌但又唔會太過抽乾肌膚水份，keep到水油均衡狀態。

功效嚟講就無咩特別，同市面一般潤膚露差不多，質地幾水潤容易吸收，保濕能力合格唔錯，值得一推係佢含有玫瑰精華，所以香味好清香天然，令人心情放鬆。

比起平時連鎖店買嘅沐浴露會貴少少，不過又未至於好離譜，都有四百毫升算係咁，香味好舒服令人放鬆，泡沬唔多但細膩溫和，含海藻成份有效防止乾紋。

呢隻手霜唔錯，香味比較清淡，啱啲唔鍾意太重香味嘅朋友，質地唔油膩，但亦唔係清爽果類，搽完會覺得有層薄膜停留响肌膚表面咁，有效防止水份流失。

卸妝能力算係唔錯，但未去到話好勁，眼妝會難搞啲，勝在成份天然，無添加防腐劑，洗面時感覺溫和舒適，過水容易，肌膚無殘留任何油膩感。

用咗一段短時間，的確係唔錯，肌膚感覺真係好似排咗毒咁，暗粒少咗，膚色改善咗有返光澤同緊緻，但價錢偏貴，只會選擇間中使用。