BoLeePinkOn

呢隻潤膚霜勝在又平又抵用，佢含有對肌膚很有好處嘅杞子同保護作用嘅可可油，乳木果油同甜杏仁油，質地幾順滑，滋潤度高，適合冬天使用。

膏狀質地幼滑滋潤，透薄順滑，有三隻顏色選擇，分別係粉紅，橙色同裸色，全部色都係靚得嚟自然，搽上臉後似係自己嘅氣色變好咗咁。

呢隻防曬乳除咗防曬級數有SPF50，紫外線防護指數仲高達PA++++，效果非常強力而且持久，質地唔笠，但又唔算清爽，比較水潤感同保濕，我直情當日霜嚟用，順便搽埋手手腳腳先出門。

粉質幼滑，擦上臉感覺已經好細膩貼服，而且防油防油嘅功效相當出色，妝容可以維持得幾持久下，經過大半日肌膚摸落仲係柔軟清爽但又唔會太乾。

粉質柔滑細緻，顯色度唔錯，液體眼影接觸肌膚立即化為粉狀，感覺幾得意，用起嚟幾方便，佢內設嘅獨特擦頭，可以隨心所欲打造濃淡不同嘅眼妝。

呢隻面膜勁好用，當你經常要ot兼通頂就會明，睇住疲憊鬆弛嘅肌膚恢復生氣就會覺得物有所值，雖然打開見到一粒粒好似成盒納豆咁嘅樣…

呢隻面霜會比較滋潤，對抗冬日乾燥天氣特別有效，所以我夏天就唔會用了，雖然佢唔算好油，但質地始終係厚身咗啲。用料天然，無防腐劑香料等有害成份，都算係一件令人用得安心嘅產品。

呢隻產品淡斑效果麻麻地，但係其他方面就唔錯，尤其係控油保濕，keep返油水平衡，唔錯。質地幾透薄，搽上去有啲清涼，感覺清爽。

這支水活保濕肌底液洗面後馬上使用，為保濕基礎做好第一步，用後對使用其他產品發揮功效更有提升～精華液的質地初時有點黏，但不用擔心推開後很快變成水潤的感覺了，淡淡的香味也十分清爽。

面膜價格略貴但仲算可以接受嘅範圍，因為佢係幾好用嘅，面膜紙質地柔軟且貼服，精華液質地水潤，滲透力良好，用咗半，初步感覺滿意，黃氣無咗。

拎上手幾輕身，使用時非常靈活方便，有兩種速度選擇，我就鍾意快速，睇返自己嘅感覺同須要作決定，覺得幾好用，洗得夠乾淨，而且透過按摩功能加強咗血液循環，拯救咗浮腫鬆弛嘅倦容。

行過見到做特價買咗支，講真有啲驚喜，平價卸妝產品試唔少，唔同其他牌子比，只講呢隻，的確落得好輕鬆又乾淨，性質溫和，就算抺眼周肌膚亦無刺激感，不過我唔覺特別保濕，但呢樣又唔太重要嘅。