BoLeePinkOn

我平時無特登買呢啲防敏面霜，但我有朋友係呢隻系列嘅支持者，我覺得效果應該唔錯，因為我見佢用皮膚變好咗不少，我都有試用過，佢質地非常清新溫和～

用過呢隻亞爾女神嘅產品覺得香味好鍾意，但沐浴同護膚始終last得唔耐，所以見到呢支淡稱淡香氛都忍不住入手，香氣持久低調，瓶身造型亦非常簡單大方。

The body shop呢隻玫瑰面膜隻氣味幾好聞，清新自然，質地係啫喱狀，敷上臉涼涼地都幾爽，保濕算良好，但唔算咩驚人嘅效果，價格質素成正比，可以一試。

買咗呢隻男士抗皺面霜俾男友，佢份人幾懶，唔係日日都keep住用，不過我眼見唔錯，佢塊面而家有光澤同精神咗，可能因為隻面霜有啲幫助去死皮，改善咗佢皮膚暗啞嘅問題。

叫得做皇牌奇蹟水，可以想像到呢隻牌子對產品嘅自信心。而且佢嘅成效的確係顯著，滲透力非常出色，只需少量缺水嘅肌膚問題瞬間就解決咗。

以前因為誤解抗拒油類嘅護膚品，後來先知原來適當使用反而係好嘅，不過當然要揀過先啦，呢隻礦物質盈肌水潤精華油就唔錯，用後肌膚好滑，但唔會油淋淋。

好鍾意佢隻香水樽，淡藍色加上採用閃亮透明玻璃菱形浮雕切面，响光綫折射下好似成粒藍寶石咁靚，令人愛不釋手。香味清新，以木質為基調，清新甜美。

呢支CK嘅男士淡香水噴霧係買俾自己嘅，佢嘅樽身設計非常簡約線條流暢，香水氣味清淡持久，雖然話係男性香水，但貫徹CK作風，都係較為中性。

呢隻卸妝油幾好用，好快同好輕易就溶解到臉上嘅彩妝，而且夠乾淨，無咩殘留。質地就唔夠清爽，比較滋潤，不過呢啲又唔算係缺點嘅，有啲人會鍾意潤啲，只係個人會偏向喜愛清爽感。

非常推介呢隻零油份保濕霜，質地清爽不油膩之餘仲勁保濕，滲透力非常好，因為工作關係經常要捱，用咗呢隻面霜可以即時補充肌膚流失嘅水份同趕走殘樣。

呢隻淡香精噴霧我推介非常適合日常返工，其實唔係好多人喜歡身邊嘅人香水味太勁，呢隻味就清淡得嚟有種好優雅嘅感覺，容易令人接受。

呢隻小雛菊腮紅淡香水氣味比較甜美，感覺幾少女，不過好彩都算淡，唔會sweet得太過份。個樽好靚又得意，桃紅色瓶身配上小雛菊，感覺十分有朝氣。