BoLeePinkOn

好鍾意呢個系列嘅蘋果造型，香水噴霧嘅水果同花香味十分清爽甜美，含有豐富滋養成分為肌膚保濕，比起一般香水，確係較為吸引。

一直對Chloe香水頗有好感，今次呢隻亦唔錯，屬于東方花香調，香氣清新而且獨特，持久度就唔算長，只屬一般，但size迷你又造可愛，放响手袋好方便。

Gemology全效活膚按摩油質，成份含有肉桂，檀香，茶樹及橙花精油，有效促進血液循環及排走體内毒素，質地滋潤，氣味也很清新，在按摩過程中令人身心放鬆。

得兩隻色選擇太少，因為出來個效果幾靚，如果多D顏色就更加好，慕絲質地觸感柔滑，只需要用指頭輕輕掃開就能夠塑造出自然好氣息，色澤我就覺得偏向柔和少女風格，比較適合日間場合同配合返一D悠閒嘅妝扮，不過持久度就唔算表現好出色。

呢隻蘆薈爽膚噴霧對我來說就不過不失，因為我感受唔到說明上講嘅緩解細紋功效，但其餘整體嚟講唔錯。不含酒精無咁易敏感，噴上臉水珠分佈均勻細緻，有舒緩鎮靜肌膚作用，同時FEEL 到清爽得來好保濕，加上價格合理，我認為可以一試。

本身會用下睡眠面膜亦會試唔同牌子，先排用過The body shop 植物幹細胞活肌睡眠面膜就幾好用，試過有D敷咗無咩用，或者香味太假，呢隻無呢類問題，植物香氣非常自然清淡，搽上臉等一陣會好似有層保護膜咁，但唔會覺得油膩又或者痴到枕頭，第二朝起床肌膚好有水份，化妝上粉底都貼服D。

納米黃金能量修護眼膜.....唔會再回購(短期之內)，雖然係幾好用，質地冰涼舒服，敷上去貼薄唔容易甩開，功效方面除咗保濕力良好，佢減淡黑眼圈竟然算係唔錯喎，呢點有D意外之喜，因為黑眼圈一個唔易對付嘅問題。但產品價格太貴，長用負擔唔起囉。

呢隻修護精華專門針對髮尾開叉，我覺得效果唔錯，有改善髮尾問題，搽上去感覺幾清爽，唔使話下下搽完個頭就搞到對手癡笠笠，加上size細細支，使用方便。

價錢嚟講唔算平，功效上就不過不失，敷完係有改善同對眼醒神咗無咁疲憊，但唔去到好掂，不過我就幾鍾意啫喱質地，貼伏唔易甩。

鍾意佢嘅檸檬草加西柚香氣夠清新提神，尤其係夏日炎炎嘅日子，除咗止汗感覺會更清爽，個噴嘴整得唔錯，唔會好難按，令止汗劑噴出來夠均勻。

其實除咗返工需要平時甚少用定形產品，最近買咗呢支The Body ShopWheatgrass Fixing Gel小麥草定型o者喱，我幾鍾意佢隻香味，淡淡地唔刺激股鼻，定型效果最多只去到中度，玩造型朋友會覺得唔夠用，但好似我咁只為上班要求儀表整齊就OK，重點係清爽唔笠.

係咪我孤陋寡聞？印象中無試過荔枝香味沐浴露，呢隻牌子價格幾親民，買支嚟試下又唔錯噃，荔枝氣味好清新唔濃俗，內含珍珠成份，用後肌膚明亮咗。