BoLeePinkOn

呢隻爽膚水效果不俗，質地非常清爽，滲透力也很不錯。含多種天然植物精華及透明質酸有效為肌膚保濕，改善粗糙暗啞，而且效果亦頗為持久。

Za高效潤白新生亮顏去角質泥使用方便，只需輕輕按摩面部就能去除老化角質及污垢，回復亮澤透白，蘊含磨砂微粒，質地水潤溫和不傷肌膚～

呢隻糖衣水嫩護唇膏幾好用，可以一試，佢除咗滋潤及軟化死皮，更有如糖衣般阻隔唇部水份流失並且防止外來刺激侵害，真正係做得到全面性保護。

防曬底霜我比較偏愛揀啲有調色功效，呢隻Laneige我認為唔錯，佢嘅調色效果明顯得來又自然，質地伸展性良好，用少少就足夠推勻全臉，就算唔再另外塗抹粉底都已經幾好睇。

本身肌膚已經油油地，早排作息不正常更加失控，試用呢隻一個禮拜後開好咗啲，佢質地係啫喱狀，幾清爽下，補水得嚟唔笠，而家肌膚水油失衡情況有可見改善。

非常推介呢隻護足膏，尤其好似我呢啲工作關係經常要站立嘅朋友，佢除咗保濕護膚之外，裡面含有檸檬草，迷迭香以及薄荷精油成份，用佢嚟按摩雙足，特別小腿僵硬繃緊嘅肌肉即時放輕鬆咗好多呀。

一直對Laneige嘅粉底印象唔錯，呢隻BB Cushion都唔例外，除咗粉質水潤細膩以外，更增加咗肌膚嘅飽滿感同彈性，令妝效更顯年輕有活力。

呢隻洗面乳我就覺得無咩特別驚喜，但整體係一支唔錯嘅潔面產品，泡沫正常啦，唔算話好豐富，用後潔淨度我幾滿意同埋唔會過乾或過油，肌膚感覺啱啱好～

呢隻乙肌維他命C水凝霜我覺得美白效果可以呀唔差，用咗後又唔係話變到白雪雪咁誇，但膚色的確有顯著改善，特別係使用期間我因為睡眠不足引起嘅乾燥暗沉。

呢隻係幾抵用，價錢平而且溫和滋潤肌膚，我覺得佢嘅質地有少少偏杰身，不過算係易推開嘅，但我又唔覺有咩骨膠原抗皺功效，只算係一隻保濕力唔錯嘅面霜

磨砂產品未必個個適合，或者唔識控制力度都有機會搞到過敏，可以考慮試下呢隻Bubble peeling，佢能夠去除肌膚老化死皮，令膚肌亮白，改善暗啞，而且質地係非常溫和唔刺激～

睡眠面膜試過好多款，眼膜就無點試過，呢隻用過我幾推薦，好怕啲眼部產品太滋潤搞到生油滋粒，呢隻eye mask有效撫平細紋得嚟質地好清新～