BoLeePinkOn

夏天去沙灘游水呢隻好好用，防水力強得來質地清爽輕盈，我容易出油都唔覺得笠，搽上去很容易推開不留痕跡，肌膚無厚重負擔感，防曬力亦不錯～

呢隻我個人感覺唔差，首先佢價錢唔係貴 ，保濕得嚟幾清爽唔油膩， 而且有少少香味都算容易令人接受，用後肌膚有潤澤感 ，但係就唔覺得好有美白嘅功效。

呢一隻小蜜蜂檸檬油護甲霜一打開蓋就聞到好清香嘅檸檬味，膏狀質地比較硬，但一啲都唔油膩，感覺清爽 ，每次只需用少就可以，用量非常節省。

我嘅嘴唇好容易乾燥甩皮，所以會幾留意啲護唇產品，見到呢隻口碑唔錯買嚟試下效果真係幾好噃，佢有淡淡嘅薄荷味 ，搽上嘴覺得好滋潤舒服，夜晚厚敷一層當唇膜用第二朝起身仲keep到無乾紋！

呢隻唔錯幾好用，玫瑰味清香令人感覺舒服。質地容易吸收，保濕效果明顯，使用後肌膚變得更幼滑有彈性， 而且可以單獨使用或混合其他護膚品，感覺幾方便。

我個人好鍾意呢隻美白潔面膏，佢蘊含維他命c微粒，能夠將污垢徹底清除，仲加入咗智選潔淨因子同淨白亮肌因子，去除多餘死皮，令肌膚後回復亮白，洗完面仲一啲都唔乾， 潔淨得來好滋潤～

呢隻我覺得唔差，佢嘅質地好順滑，容易推開，搽少少已經ok，用量夠節省～而且效果都見到係有嘅，用完眼部肌緊緻咗 ，亦都見到有啲美白，比預期中好用。

我覺得呢隻水晶女孩bb霜價錢合理，因為都幾好用下～搽上去好保濕貼服，有效遮蓋面上嘅瑕疵，膚色睇落好均勻細緻，妝效自然唔厚重～

我覺得呢支有機金盞花油真係要擺定啫係屋企，早排皮膚俾嘢咬完突然間出現敏感，又痕又腫，搽咗藥膏都唔掂！之後試咗呢隻搽咗幾日冇再咁癢，舒緩咗好多！

呢隻三分子玻尿酸保濕撫紋眼霜保濕能力好強，對付乾紋好有效，但係質地就比較 潤，適合啲眼部乾紋真係較多嘅朋友，如果一般人用要注意返用量搽少啲，唔係就會好笠。

見到呢隻BRTC 柔滑滋養羊奶面膜個包裝幾可愛下所以買咗塊來試下，羊奶成份對肌膚好滋潤，有D香香地嘅氣味令人容易接受，用後感覺唔差，算得上滿意，敷完面膜肌膚好水潤但塊面膜唔夠貼服。

功效可以，但只屬OK幾好未去到好掂，不過我鍾意佢嘅質地幾快吸收下，裡面嘅成份不含人造色素及香科，石油，矽油，基因改造成份等，帶俾肌膚百份百純天然嘅呵護，要提一點係呢隻有機認證玫瑰果油係唔採用任何動物測試，係值得支持嘅~