BoLeePinkOn

呢隻Za鑽白精華化妝露如果只講功效對我來說只係中規中矩，質地係幾保濕水潤，但亮白改善度並唔明顯，但好在價格便宜同方便，一支集合化妝水、精華同乳液，好啱每朝匆忙返工嘅朋友。

好喜歡這一瓶護手霜，草本精華的香氣非常自然提神，質地有點偏硬，抺上時有點油但很快就換成水潤的柔軟觸感，有抗敏功效，有時肌膚乾得發紅，塗後也馬上舒緩了不少呢。

我覺得呢隻蜂皇漿潔面乳比預期中好用啲，因為原先諗住會好潤只係啱乾性肌，但用過後發現質感比預期中輕盈，潔淨力也很好，可輕鬆卸除淡妝～

其實講滋潤效果呢隻係好用嘅，有效去死皮同乾裂，而且椰子味幾香我OK鍾意，但唔適合日常用，因為我覺得佢吸受力幾慢下，要慢慢按摩先開始滲透，我會留响做特別護理例如磨砂後使用

價格合理，而且對付肌膚乾燥係好有效，因為呢隻係for乾性肌，所以秋冬用為主，但佢質地唔笠其實夏天用問題不大，即時保濕外仲為肌膚加添屏障式保護避免進一步受到外來刺激傷害。

呢隻蟲草面霜俾我初步印象唔差，質地幾潤澤，呢排天氣開始乾燥都幾啱用，搽上肌膚OK快吸收，肌膚睇落飽滿咗同保濕效果保持得唔錯，撫平細紋有無用要再觀察多一陣先。

呢隻我覺得除咗防曬指數低咗啲之外其他方面都唔錯，質地順滑容易推開，感覺幾透薄唔厚重，有效保濕兼且帶有珠光效果，唔化妝面色都好亮澤。

呢隻保濕精華好好用，值得推薦。佢嘅質地透薄，容易被肌膚吸收而且感覺溫和自然，氣味就一般唔特別吸引，還可以，保濕效果keep得夠長時間，呢樣抵讚。

呢隻Za洗面膏我覺得都幾好，搓揉出來嘅泡泡好豐富而且柔軟，洗面時肌膚觸感舒適，清潔力唔錯，用後肌膚有亮澤感，性質偏向清爽，唔算好保濕，但又唔會令到皮膚太乾嘅～

呢隻茶樹洗面膏我覺得OK，合格好用，洗面的潔淨感滿意，茶樹油的氣味不俗令人容易接受，加入薄荷成份頗為涼快，但用後較為偏乾保濕力稍有不足。

我覺得呢隻手霜幾好用，滋潤度足夠而且效果維持到幾長時間，香味一般，我唔算話好鍾意但接受到，只係搽上去果下比較笠，要慢慢推均吸收。

這一支面部防曬價錢合理，質素不俗，搽上去感覺輕盈透薄，連敏感肌亦可以使用，而且含有維他命E滋潤皮膚，清爽無油的質地用來做妝前底霜效果也很好。