BoLeePinkOn

我的美麗日記，出咗好多款面膜，而當中呢款黑珍珠面膜係我用過比較好用嘅其中之一。佢保濕效果唔錯，敷完肌膚好有光澤同埋都有啲美白，加上價錢又平，都算係咁啦。

面膜紙立體剪裁嘅設計，能夠緊貼輪廓，令裏面嘅精華更容易吸收同埋唔會浪費 精華液質地水潤，唔會太杰，保濕效果喺同類型面膜中幾出色，但價錢稍嫌貴咗啲。

呢一隻深層抗皺螺旋藻深層滋養乳霜，質地唔錯，清新唔油膩，好快吸收，保濕效果強勁，隻味都幾香。用後肌膚水潤緊緻咗，但係深層抗皺效果就冇乜，但係整體嚟講係幾好用嘅。

呢隻草本療法淨化黑皂，感覺非常特別，帶有清新植物香氣。用佢嚟輕輕塗勻全身 按摩後用水沖洗，可以幫助潔淨肌膚及清除雜質，令肌膚嫩滑，身心放鬆。

我覺得呢隻面膜緊緻效果就唔多覺，不過敷面嗰陣都幾舒服。佢含有蜂蜜成分，能夠令到肌膚滋潤有光澤，加上價格便宜，如果當做普通水份mask，都係一個唔錯嘅選擇。

呢隻變色潤唇膏，好似幾好玩咁，但其實冇得揀自己鍾意嘅顏色，因為佢係根據溫度而變化嘅。同埋佢嘅滋潤效果麻麻地，last得唔耐。我覺得用嚟送俾小朋友扮下靚，氹下佢哋開心都ok嘅。

呢一隻曼秀雷敦醫護級特強護唇膏，功效強大，而且價錢非常抵用。我成日乾燥甩皮，用佢改善咗好多，而且佢連唇炎引致嘅乾燥都解決到，好多貴過佢嘅牌子都未必做得到。

用呢隻吹燙順滑噴霧先再用風筒吹頭，可以保護 頭髮避免被熱風所傷，佢係白色水狀，唔算太過笠，都ok嘅。同埋佢隻香味 都唔錯，我幾like。

呢隻冰感磨砂沐浴乳，性質溫和清爽，仲有冰冰涼涼嘅感覺，令人即時降溫，感覺涼浸浸。我最鍾意做完運動或者一天辛勞之後，用佢嚟沖涼，肌肉疲勞立刻舒緩咗好多，心情亦放鬆曬。

The body shop富士綠茶身體沐浴露，淡淡綠茶氣味非常清香，令人感覺很清新舒服。沐浴效果亦都唔錯，用完皮膚唔會繃緊乾燥，肌膚感覺好refresh。

呢隻沐浴啫喱價錢貴咗少少，不過個包裝好靚。沐浴效果唔算好突出，但係都幾溫和同滋潤。最正嘅係佢嘅香味，非常好聞 同埋 keep得好耐，沖完涼唔洗搽香水都一樣芳香怡人。

呢一隻無花果清新活力沐浴露好適合一年四季，尤其係冬天使用，佢嘅性質非常溫和，滋潤肌膚嘅同時除身體嘅角質。香味非常清新好聞，值得推介。