BoLeePinkOn

沐浴露倒出嚟就聞到甜甜嘅香味，就好似打開咗一瓶新鮮嘅玫瑰果醬，用佢嚟沖涼 好relax，裏面除咗有玫瑰精油滋潤肌膚，仲有清潔功效嘅檸檬精油同埋枸杞汁，成個感覺非常清新。

呢一隻保濕乳液我覺得功效ok， 佢參透力幾強， 用完即時改善乾燥問題， 肌膚變得水潤有光澤 。但係佢嘅質地有啲黏黏地 ，所以油性皮膚嘅朋友夏天用可能覺得唔夠清爽。

呢隻面膜我覺得唔錯，平得嚟都幾好用，佢裏面含有珍珠成份，幫助美白皮膚，敷完好有光澤，毛孔都好似縮細咗。 但係美白效果，只係敷過一兩次，所以暫時唔係好明顯住。

呢隻沐浴露， 個造型好得意 ，我非常喜歡，裏面嘅沐浴露，係非常清香嘅櫻花味 加埋豐富嘅泡沫，沖涼感覺幾舒服清爽 ，但係功效就一般，買得貴咗少少。

呢 一 隻藍粟米磨砂面膜幾好用 ， 敷完 好乾淨 ，面上啲暗粒同黑頭都清咗好多， 不過 用完塊面都幾乾下，我覺得唔係咁適合 乾性皮膚嘅朋友用同埋唔好敷太長時間。

日曬完之後肌膚一般都會比較脆弱甚至出現甩皮情況，平時用開嘅沐浴露可能就唔啱使，呢隻好適合曬後肌膚，佢性質溫和，含天然泉水，幫助深層補充水份。

就嚟秋冬季節亦開始乾燥，會入返D更適合嘅潤手霜，呢支我覺得係不錯嘅選擇，佢嘅質地比較滋潤，搽完雙手好柔軟潤澤，清香杏仁氣味令人感覺溫暖，很有秋冬氣氛。

講真佢嘅效果又無講得咁勁，都係同其他眼膜大同小異未見突出，不過幾保濕同敷完對眼睇嚟的確係無咁倦容，加上價格亦算實惠，可以一試。

呢隻沐浴露好好用，我個人非常喜歡，佢泡沫幼滑之餘，沖涼時亦能徹底清除肌膚油脂污垢，乾淨兼且感覺係好舒服好溫和，價格合理值得推薦。

呢隻白麝香身體沐浴露如果講表現係唔差嘅，可以一試，整體穩穩陣陣，清潔能力唔錯亦唔會太乾太油，問題係香味太勁，其實我幾OK呢隻香味如果淡返D就好。

呢隻洗面膏真係幾好用，佢搓出來嘅泡沫好豐富同埋好幼滑，清潔力唔錯，就連一般淡妝亦卸得幾乾淨。用後感：清爽，但肌膚keep到柔軟而唔繃緊。

我覺得呢隻美肌模式C C霜幾好用，特別推薦俾鍾意淡妝或者少女使用，因為佢價格平得來質素亦很OK，透薄易推兼且調色效果自然不造作，只係遮瑕度同持久度就一般。