BoLeePinkOn

我啲指甲幾脆弱易斷，所以好羨慕有啲女仔指甲生得強硬搽指甲油好靚。早前見到呢隻產品，抱著一試無妨心態，佢好得意，係一隻隻獨立套住啲手指，用咗乾紋同倒刺改善咗好多。但指甲強韌度就一般般啦，始終指甲係反映身體健康狀況，呢啲只可以當係輔助品。

啱啱買咗一支，比起一般膠梳效果好好多 。梳頭嘅時候，響頭皮按摩嘅感覺好舒服，亦減少咗用膠梳容易引致頭髮斷裂嘅情況，但而家有個問題，唔知點清洗積聚响呢種梳裏面嘅污垢同頭髮絲，我諗要上網查下先啦～

有時唔想化全妝，會用呢隻舒緩無瑕修飾霜，佢嘅質地清爽，控油效果唔錯，尤其適合我呢啲偏油肌膚。修飾效果透薄自然 價錢合理。我認為未試過嘅朋友，可以考慮一下。

早排衰多手，搞到啲毛孔粗咗，黑頭又多咗。同事介紹我用呢隻毛孔修護面膜，效果又唔錯喎！佢舒緩鎮靜咗我之前亂擠毛孔引致嘅泛紅同敏感，而家漸漸見到毛孔 收斂同埋乾淨咗，會繼續 keep住用

之前朋友推介話好用，咁我見價錢唔係好貴，就買嚟試下啦。但我用咗冇乜特別，面膜嘅質地ok嘅，幾幼滑溫和，冇咩刺激感，但係我用完嘅效果， 同搽咗一隻 r i c h 啲嘅cream冇乜大分別,呢隻面膜應該唔太適合我啦。

呢一隻海藻去角質香皂，當中嘅細小海藻微粒可以溫和有效地去除老化角質，促進血液循環，用後肌膚保持滋潤，唔會過份乾燥或者對肌膚造成刺激。

The Body Shop 呢款青檸薄荷身體沐浴露感覺清新，我幾鍾意。佢不含鹼性，有效清潔肌膚，沖完涼好清爽但又唔會繃繃緊， 青檸檬加上薄荷香氣，有效紓緩緊張情緒。

嘴唇堆積太多死皮，搽再滋潤嘅潤唇膏都冇用，不妨試下呢隻親親愛人唇部磨砂 ，佢嘅成分好天然，當中包括公平貿易出產嘅可可脂，用咗能夠溫和地軟化雙唇。

花露水氣味清新功能非常多，而家出埋香皂，感覺更加方便。佢泡沫豐盈，清潔肌膚但唔會過乾。用後肌膚水潤清新並且留下淡淡花露水香氣，相當提神。

身邊嘅朋友多數都麻麻哋呢一隻，但係我 就覺得隻味幾香，同埋呢一款幾適合我嘅皮膚，用嗰陣覺得好舒服，敷完之後感覺好清爽保濕，睇落亦緊緻咗。

呢隻零毛孔蝸牛美白清潔冰河泥面膜，我覺得唔錯，尤其油性皮膚，夏天用完真係幾清爽 。佢有軟化角質，抗菌消炎及美白控油嘅功效，平平哋叫做幾好用下。

有段時間頭皮好痕，唔知咩事，平時用開啲洗頭水都唔掂。跟住試下呢隻極溫和抗敏止痕洗髮露，又幾好用喎～佢性質溫和唔刺激，用咗之後開始冇咁痕，情況慢慢好轉咗。