BoLeePinkOn

改善眼睛細紋功效的確幾明顯，敷上覺得眼部肌膚好水潤好relax，用完即時見到對眼精神返曬，價錢係貴咗D，但mask唔使日日用，而且見得到成效，都算係咁啦。

好用嘅面膜，質地係滋潤順滑嘅乳霜狀，接觸皮膚會轉化成精油，淡淡地玫瑰味幾香~而且用法方便，可以唔使洗當過夜mask咁，用完膚色改善不少，細紋有減淡咗，好開心。

好用，但好貴嘅面霜，不過日挨夜挨，係有必要俾借口奬勵下自己。睇返成份明點解嘅，150片玫瑰花瓣先擠得出一滴精油，非常珍貴，搽上面嘅時候心理上已滿足了一大半。

冬天都會用下沐浴油，呢隻Sabon死海鑽奇沐浴油係其中一個不錯嘅選擇，我覺得佢滋潤得嚟洗得幾乾淨，唔會得個油字。用後皮膚好舒服，無咁繃繃緊。

YSL啲産品不嬲靚，呢一隻胭脂盒亦都唔例外，不過今次唔走奢華風，反而有種都會感，隻色我覺得比較鮮，所以用果陣會輕手啲，持久度同品質KEEP住水準。

Sabon 嘅死海鑽奇身體潤膚乳液質地清爽透薄，輕輕按摩後好快吸收，不油不腻，搽咗肌膚變得更柔軟水潤，尤其冬天對腳乾到好多死皮，用完即時soft返曬。

唔單止面要做面膜，body都要嘆返個body mask~呢隻加入死海礦物活泉，天然海泥同精油，搽上肌膚後全身連毛孔都感覺到好relax，成身輕鬆晒咁，超正呀~

呢隻RMK CREAM SOAP包裝簡潔，擠少少已經可以起到好多泡泡，而且觸感非常綿密細緻，性質温和，無添加咩香味，洗面時舒適無刺激感，清潔效果亦係唔錯。

適合初熟至熟齡肌女士選用，含綠茶成份幫助抗氧化，保濕+美白一盒有齊晒，防曬指數更高達SPF50PA+++,全方位保護肌膚，妝感自然水潤，效果不俗。

上週時出入冷氣地方，或者天氣乾燥，好易卡粉，睇落似多幾條紋咁呀，呢隻粉底好啱用，含珍貴精油成份，化妝兼滋養肌膚，妝感更貼服自然，唔驚變龜裂樣。

搽上面覺得好得意，有啲似薯仔蓉，睇返原來成份入面真係有：墨西哥馬鈴薯萃取！有舒緩鎮靜功用，隻mask有啲涼浸浸幾舒服，我覺得佢對付暗沉肌幾有幫助

呢隻爽膚水質地比較滋潤，有D杰杰地，鍾意清爽型toner嘅朋友未必啱心水了，不過的確係幾溫和同保濕嘅，肌膚觸感亦係舒服，同埋推開咗其實唔算笠，我個人可以接受。