hehawewa

用前記得搖一搖，有透明粉膚色及透明白色，有一點點修飾膚色效果，紅印、小斑點可以遮到少少，質地水狀得嚟有濃稠感，好易推，清爽唔油笠，滋潤保濕，控油程度唔錯。

非常好用，雖然冇乜遮暇效果，但可以均勻膚色，質地輕盈透薄，無負擔，好易推開，清爽唔油笠，可惜只有一個顏色，買之前最好試一試。

日霜有防曬係數，冇用隔離乳，就咁搽就化底妝，質地水潤，順滑易推，滋潤保濕，清爽唔油笠，不過啱皮膚乾嘅人，我朋友油性皮膚，搽呢個就起粒粒。

味道清新，乳霜質地，水潤易推，皮膚好滋潤保濕，特別係皮膚乾，或者脫妝、浮粉嗰陣用佢，能補救鼻頭甩皮同笑紋位，妝容自然貼服。

拎咗兩包試用裝俾男朋友試，質地偏水狀嘅乳霜，清爽唔油笠，保濕度高，滲透度高，皮膚吸收快，用咗幾日眼紋淡咗，眼周膚色都冇咁暗沉。

拿到試用品，乳霜質地，但偏濃稠，難推開，用輕拍方式點喺眼周，唔算油笠，皮膚吸收還可以，眼紋係淡咗，但冇明顯緊緻效果。

乳霜質地，潤滑易推，推開後肌膚表層有明顯滋潤感，滲透度高，皮膚吸收快，感覺保濕鎖水，清爽不黏笠，但淡化眼紋同緊緻肌膚，效果麻麻。

質地介乎乳霜同啫喱之間，好易推開，滲透度高，皮膚吸收快，好水潤保濕，清爽唔黏笠，用咗一排，雙眼冇咁浮腫，眼紋少咗，但眼黑圈唔覺有淡到。

分日夜嘅眼霜，夜用嘅幾好，感覺好滋潤保濕，易推開，皮膚吸收快，但日用個樽質地偏濃稠，極難推開，一啲都唔好用，所以淨係用夜用嗰樽，用完就算，唔會再買。

個人偏愛可以刨尖筆頭嘅眼線筆，可以畫幼啲條眼線，呢支眼線筆筆芯很軟，畫喺眼皮唔會好唔舒服，而且畫內眼線都好易控制，不過佢唔啱我對油眼，半日未夠就化開，變咗熊貓眼。

比想像中嘅CC Cream好用，質地輕盈易推，清爽唔黏笠，好水潤保濕，有自然調色效果，膚色均勻咗又白咗，妝感輕薄貼服，但遮暇度麻麻。

蜜粉盒設計好特別，想用幾多就轉幾多，可以好好控制份量，跟盒個掃又係唔好用，好粗好拮又甩毛。轉出嚟嘅蜜粉好大粒，但用掃掂一掂就散開，粉質細緻，都易上同貼服透薄，控油好好，大半日先出油。