KikoC

呢個完全係用嚟急救用。。有陣時個嘴乾到就嚟去爆拆嘅臨界點，拎出嚟厚敷一陣就搞掂曬，唔會話好油嘅感覺，但係又有應有嘅效果

上妝前搽一層再化妝會貼好多，又唔會好笠好唔舒服，保濕度都算高，成日都比屋企人攞咗嚟用~_~搞到勁快用曬，不過抵讚嘅

本身我個人面皮比較厚xD一個星期做一次磨沙都搞唔掂，依家每個星期用多一次呢個去角質泥，感覺真係乾淨好多，少咗暗粒，又唔傷皮膚

呢排成日捱夜，搞了對熊貓眼出曬嚟，聽講呢支嘢係可以去黑色素就買嚟試下，啱啱試上去個感覺唔笠，就試一排睇下你係咪同我搞掂個黑眼圈

一直都用開液體眼線筆，不過好多都好容易溶，有朋友介紹用呢個eyeliner gel應該會好啲，就聽下佢講買返嚟試下咩料，係咪真係咁堅

幫新娘子或者去party用呢個眼線係出位嘅，有唔同嘅顏色可以配合返啲誇少少嘅妝容，我就大愛個銀色！換妝只需要用棉花棒輕輕擦就會冇

唧出嚟比較厚身，如果直接上嘴會好厚好杰，我會先搽潤唇膏先再用唇掃搽上去，咁樣可以均勻又薄身啲，唔會成個孖潤腸咁

唔可以單一用，單一用落去有啲厚同kick粉，要溝少少再幼身啲嘅碎粉用會好好多，其實佢夠滑，同色都幾好，就係衰在感覺好厚

妝前乳液嚟講，呢個做到急救補水，眼袋同眉心位都可以搽多少少，得上妝個陣冇咁易有乾紋，性價比好多牌子嘅安瓶還要高高高

有陣去party或者幫新娘化妝個陣都大派用場，易推又容易上色，出嚟效果夠搶眼又靚，又唔會搶得嚟俗嘅感覺！（呢個先係重點嘛）

雖然佢係貴，但係真係好好好好用！我係有幾隻色係屋企用嚟遮唔同嘅瑕疵，有陣時又可以用嚟打下光陰影，遮瑕度又夠高，完全係貴得值！

我都幾中意呢隻粉底，耐唔久出去做job用落啲客度好多都唔會敏感，又貼妝！重點係可以遮埋瑕（如果塊面唔係好誇張嘅瑕疵嘅話）