KikoC

沖完涼個人仲會滑嘟嘟，感覺好似洗唔乾淨咁！但係到冬天用，就係因為佢滑嘟嘟其實係超潤，沖完涼仲唔會身痕，勁舒服！不過夏天絕對唔用得囉

因為佢個面膜，所以就買咗個洗面膏試試！不過老實說，認真麻麻！雖然洗完唔會話好乾好緊，但係比想像中冇咁好，同埋好快用完

呢個香味唔假，有陣甜甜嘅蜜糖味，搽完心情都覺得好放鬆！補濕度不過不失啦。。唔算太潤，不過唔笠囉！有陣夜晚會拎嚟做sleeping mask

超好用，夏天成日去游水暴曬，永遠都唔記得補防。，返到屋企就變燒豬~_~即刻就要成身搽呢個蘆薈，塊面再敷下就冇事！長期雪櫃都有佢

算係幾潤，有甜甜嘅蜜糖味，味道又唔假！不過吸受得比較快，有陣時冬天上妝前我會用少少嚟搽眼袋位，個妝會貼啲冇咁多眼紋

秋冬用凡士林絕對係一流，防爆拆又夠潤膚，特別係冬天一做完家務成日掂水同化學劑之後，洗乾淨對手嚟個厚敷再笠手套，不得了

係好用嘅，夠潤！入秋一定唔少得佢，甜甜地嘅車厘子味！不過唔明點解唧裝同樽裝一樣，每次搽完都要抹下個手指同個嘴

3個字，平！靚！正！經濟實惠！夠潤又保濕，唔笠！勁抵又大支，沖完涼喪搽又得！冇陣時冇身體磨沙仲可以加啲砂糖嚟磨身

用過兩支，效果都完全唔掂，少少都冇瘦過亦冇frim過，完全唔知咁貴買佢返嚟有咩用！又唔潤，試過用埋磁叉都幫唔到手。。差！

呢個細細個就已經好中意用，細細罐又多用途，比蚊咬完，親，暈車浪等等，好多好多用途超正！靜悄悄話你地知，其實佢仲可以當蚊怕膏

的確係幾潤嘅，不過拎出街就唔方便，同埋杏仁味真係唔係人人都接受到囉，我都係夜晚用嚟厚敷再帶對手套，當佢手膜咁用。。不過的確係滑嘅

呢個好明顯就係細個成日要阿媽買個啲潤唇膏啦！細細罐又唔會話好油，雖然唔keep得耐，但係就係想密密搽密密搽都唔覺嫌