KikoC

可能我個人一直都唔係咁鍾意潔面粉呢種， 打泡好難打起，一加水就好似已經會沖走曬咁。。搞到好快就用曬成支~_~洗完塊面又會好繃緊

的確幾好用嘅。。將佢知唧落手度搽勻成面再慢慢打圈按摩按下塊面！好快成個妝就會用溶曬出嚟，攞洗面奶洗多次成塊面就已經乾淨曬

以前我成日用dhc嘅落妝油,不過越用越差。。而家用仲要係受落唔乾淨之餘價錢又貴咗！成件事就係加咗價質量又差咗唔會再用囉

話會改善膚色均勻，咁我又用咗一段時間唔係咁覺，不過用完的確係會令到塊面白啲！個感覺的確會 refresh D 同埋陣味都幾清唔會話好俗

有陣時塊面唧完暗瘡之後會成塊面紅曬，我個人仲要係敏感皮膚更加好似比蜜蜂針完。。成塊面腫曬＞＜用呢個精華敷返，啲紅腫就好快降曬

啫喱狀嘅晚霜我都係第一次用，用落去個感覺好似有啲笠，要隔好耐都先至吸收曬！可能要去到冬天用先至會好啲。。始終啫喱會諗住係夏天都用得

講真。。又冇去到換膚咁勁！不過用完的確塊面幾乾淨，好似peeling完咁樣會白好多！ 同埋用完之後唔會覺得話好乾好繃緊，不過價錢就貴咗啲囉

到呢啲秋天嘅時候，我塊面就已經會勁乾~_~特別成日都化妝，有陣時唔上妝嘅話嗰晚會即刻用呢個mask去急救，敷完之後第二日就會貼妝好滋潤。。正

保濕成分高，用完塊面好潤，不過價錢上真係好貴 用落去同普通蘆薈面霜一用嘅方法一樣，效果出嚟亦都差唔多。。睇唔出佢貴喺邊！

小妹我屬於混合性皮膚！用完個感覺幾清爽舒服，唔會話洗完好繃緊。。個感覺又乾淨！ 好難得有一隻洗面液洗完唔會好繃緊

老實嘅。。340蚊可以買到呢個效果真係物超所值！比起英格蜜兒嗰間咁嘅所謂24小時保濕乳霜呢。。真係蚊比同牛比！呢個又抵用又好用

我覺得Clinique呢個眼霜真係一流！真係要讚讚讚！用完之後眼紋冇咁勁，黑眼圈又淡咗，又夠滋潤唔笠，最緊要係夠清爽又有效果嘛