KikoC

好似普通眼霜咁樣，冇乜特別！純粹係都幾滋潤下，只不過見佢係標榜純天然囉。。所以就買嚟試下！如果用天然貨價錢嚟比較算幾抵嘅

好容易捽到好多泡泡出嚟， 個蜂蜜味有啲甜。。沖完水之後個頭仲係勁大浸蜜糖味~_~搞到我啲貓係咁聞我個頭！ 感覺好似有啲洗極都唔乾淨

真係好鬼潤， 到呢啲秋天時候， 啱啱轉天氣又勁乾，最好就係用呢隻沖涼液。。因為佢會勁潤勁舒服，可以唔洗搽lotion 都得！

青瓜味夠清爽，我老公好鍾意！ 佢每日返完工話沖完個涼成個人爽曬！ 又抗菌。。 用完一支又一支， 死都唔肯換牌子！ 激鬼死人

呢個要搽好多次個根部位置先會睇到有效果, 的確冇乜增長功效, 只係濃密, 我又覺得幾好喎..因為如果有埋增長效果, 對眼就會變得好重, 但係佢真係要有D時間去搽囉囉囉

Majolica Majorca不嬲都係出名睫毛液, 不過呢支眼線筆都好好用, 唔易化, 又易劃, 我每次去親台灣都會大手買入, 因為佢真係太快用完啦, 我呢D日日要化妝, 一個月就搞掂一支

本我自己眼油比較勁, 呢個劃上去的確係幾好劃,好易就可以填補都睫毛間既空位, 不過真係好快就已經搞到我變左熊貓眼, 所以好快.....我就已經將佢轉送左比我屋企人

呢個髮膜真係好鬼正架, 自己係屋企都可以做到SALON既效果, 價錢又平, 用完出黎似焗完油咁, 個頭輕曬又唔笠, 岩曬我呢D成日都染髮既人,每兩星期用一次仲可以唔使做爆炸狗XD

個落妝油話就清爽, 但係用落真係麻麻, 落得唔算乾淨, 最後都係要用多次第二個牌子既再落過, 唯獨係價錢抵囉, 不過我呢D懶人更平都唔想用落妝油捽多塊面幾次囉

呢支野係個陣時買聖誕禮物既時候送左支試用, 一直都冇機會攞出黎試XD到早幾日返大陸玩, 終於帶埋佢去試埋, 出黎泡泡好多, 亦都好香, 個香味唔會話好假, 幾好幾好, 用黎泡泡浴一流

見佢細細支咁方便, 咁岩又冇帶唇膏出街就買左支黎試下, 點知佢隻色好紅, 搞到個咀勁大~_~加上我個人本身都唔係好受到咁紅既色, 唯有將佢擺係屋企好好收藏當胭脂用

講真, 一直都好少見到有青瓜味既香水, 係好耐之前試過一次已經好中意, 不過個個係蜜瓜溝青瓜, 今次買左呢個青瓜味香水都覺得好清新清爽既感覺,岩夏天用一流