BoLeePinkOn

呢隻激活水循環精華我認為價格合理，因為的確係好用，難怪一路以來口碑不俗。佢嘅保濕力非常強大而且迅速，即時改善肌膚缺水乾紋等問題，不含香料性質溫和，敏感肌用都ok。

被包裝吸引買下的產品，這隻氣墊的滋潤度頗高而且遮瑕效果很好，缺點是妝感較重，而且控油力真的不太行，夏天用尤其油性肌很快出油臉色變暗啞。

呢隻底霜雖然貴咗少少，但係我覺得都幾好用，佢嘅質地滋潤得來算幾透薄易推開，搽少少巳經見到改善暗啞及大部分瑕疵，但效果就見仁見智啦，鍾意就叫做水光肌唔鍾意就覺得油。

我用過呢隻牛油果眼霜幾滿意，個人認為係值得考慮再回購嘅產品，雖然佢無吹捧咩好強勁嘅神奇功效，但搽落感覺非常清新舒服，滲透力良好而且潤而不膩。

呢隻潤手霜如果淨係講功效就無咩特別，都算係質地幾好咁，入手嘅原因係試過佢同一系列嘅沐浴啫喱同潤膚露，覺得佢隻玫瑰加紫羅蘭嘅香氣實在太吸引～

質感唔錯，幾溫和，泡沫一般偏少唔算豐富，洗完面好乾淨但又唔會繃繃緊，keep住水油平衡，感覺舒適。但美白我就唔覺好有明顯嘅效果。

其實要搵到一隻真正意義上生髮嘅產品係幾困難，但可以先做好嘅係護理頭部皮膚，呢支頭皮護理含專利成份改善頭部皮膚及髮質，講到尾預防勝點都於治療～

呢隻牌子嘅保濕做得唔錯！今次試呢隻水活保濕精華肌底液同樣無失望，質地水潤清新，除咗感覺到保濕力強之外，呢支產品仲有促進新陳代謝嘅效果。

老爸生日送俾佢做禮物，平時少護膚嘅佢今次俾面我keep住用，皺紋減淡我就覺得無咁誇，可能始終有返啲年紀，但緊緻效果幾好，見到佢個look望落精神咗仲好開心添。

卸淡妝可以，落得幾乾淨徹底，無論香味同質感都好清新，連邊邊角角殘餘彩粧污垢都輕鬆帶走！但建議卸濃妝選擇其他產品，呢隻唔太夠力。

價錢幾貴下，同埋個質地對我嚟講偏潤，所以唔會係我嘅必買品，不過因為滋潤度高，冬天用果陣就覺得發揮到功用，保濕效果好強。

呢支嘢唔係我買嘅，但旅行時救咗我皮膚一命，果陣去嘅地方氣候幾乾下，但我諗住自己平時夠油唔會有問題啦，但唔知係咪水土問題，我皮膚變到好乾之餘仲有啲痕，果幾日全靠我FD借俾我搽至好好多。