BoLeePinkOn

價錢平得嚟效果唔錯，顏色選擇幾多，搽 搽上嘴好順滑，容易上色，同埋質地滋潤唔會點起乾紋。只係持久度爭咗啲，顏色keep得唔耐，短時間內就需要補下。

我覺得呢隻幾好用，尤其帶去旅行。首先佢防曬度數夠高，真係無咩點曬黑，而且有保濕滋潤功效，瞓醒出去玩唔洗搽呢樣嗰樣，慳番好多時間，但價錢貴咗啲又細支，好快用曬囉。

設計成唇膏形狀，用喺嚟好方便，質地滋潤順滑，可以同時做胭脂，眼影同唇膏，一take過可以完成全妝，但可惜只得兩隻顏色，雖然都幾自然，多數人都啱用，但如果再多啲選擇就更好了。

呢隻價錢平得嚟出乎意料地唔錯，質地好清爽，而且可以遮蓋到毛孔，色澤亦都算 自然。但持久度就一般，同埋伸展性唔強 唔算易推， 塗抹時需要畀啲速度同技巧， 不過一分錢一分貨嚟計其實已算係幾好。

夏天個頭好易出油,又要用埋啲定型產品 ，搞到個頭好笠。用咗呢隻洗頭水效果唔錯，檸檬味好清香，洗完頭皮覺得好清爽但去油脂效果又唔會太over，大部分髮質都啱用。

遮瑕膏嘅質地唔錯。裏面含有蜂蠟 、維他命ACE等，搽上肌膚順滑貼服，唔會起裂紋。我覺得佢遮蓋色斑、暗瘡印或者一啲小瑕疵幾好。但佢質地唔算好透薄，遮黑眼圈時要畀啲耐性，慢慢逐啲加上去。

呢隻滋養熱糖磨砂膏用糖粒都做磨砂，糖本身就有滋潤肌膚嘅作用，能夠溫和去除身上嘅角質同老舊廢物，再加上堅果油 ，令肌膚變得又白又滑，冬天都好啱用。

呢隻平衡卸妝啫喱可以，質感很清爽，卸除淡妝頗乾淨，用量亦唔需要話好多，沖完水肌膚唔會覺得乾燥或者乸住乸住，但較濃嘅妝需要重複洗多次。

夏天用好啱我嘅油性皮膚，噴落塊面勁清爽，有效控油收毛孔，好過用面油紙，唔會吸到塊面太乾，仲有修護傷口作用，每次做完facial針清後，會用佢嚟噴下，肌膚立即得到舒緩。

唔錯，雖然冇乜驚喜，但勝在價錢實惠，保濕效果我幾滿意。面膜紙質地柔軟，精華液偏清爽型，個人覺得更適合一般至油性肌膚使用，乾性肌或者會覺得唔夠潤。

一直想搵啲冇閃粉嘅眼影，就畀我搵到呢隻啦！色調係屬於非常自然嘅大地色彩 ，佢聲稱可以做埋眉妝同眼線，但我試完覺得始終做眼影係最好嘅，能夠打造出素肌感嘅裸妝效果，低調地令雙眼變靚。

一按出嚟已經係豐富嘅泡泡，啱曬我呢啲懶人。裡面含有維他命c及透明質酸，有美白保濕效果。洗完面好乾淨但又唔會搞到塊面繃繃緊，雖然美白方面唔係好勁，但再睇埋價錢，係值得一試架。