BoLeePinkOn

勝在價錢平又夠大支，再講質素都唔差啊， Biore出產始終會至少有番咁上下保證，沖完涼幾乾淨滋潤，沐浴露香味又 keep得持久，算係咁啦！

紙質柔軟，同埋卸妝液幾溫和滋潤，但我覺得只適合用來抺下殘餘彩妝，或者轉妝/唔方便洗面時用，如果單靠佢嚟落全妝每次起碼要好幾張紙先夠，咁搞法勁快就KO晒一包，變咗仲浪費唔抵用。

之前行街見到呢隻透亮美肌蜜粉餅個盒好靚，忍唔住買咗。細細盒帶出街用嚟補妝好方便， 效果仲唔錯添～ 佢蘊含防油光粉末，有效控油防脫妝，加上價錢又平 ，相當抵用呀～～

呢隻寵愛之名亮白淨化完美精華液，擠出來顏色係黃黃地嘅乳液狀態 ，吸收力還可以，唔算好快，但好在質地唔笠，香味唔濃容易令人接受，連續用咗一星期膚色明顯亮白咗，去痘印都OK有減淡，唔差吖！

呢隻凝肌緊緻精華我非常滿意～佢滋潤得嚟勁快吸收，即時補充返曬水份。用佢嗰排雖然成日捱更抵夜，但係肌膚都依然keep住彈性緊緻， 狀態仲係幾ok下。

除非黑眼圈真係深得好離譜，如果唔係呢隻 LOLA 遮瑕修護精華素已經搞得掂。佢質地透薄唔焗促，遮瑕效果自然。而且貼服順滑，唔會太油或太乾，非常適合眼部肌膚使用。

呢隻幾好用嘅，佢係有機成份天然，洗面感覺好舒適清新，但回購意慾唔係好強，因為價錢唔係平又細支，勁快用曬 。雖然對佢印象良好，亦唔係無可能再買，但絕對唔係首選。

我覺得呢隻有機野玫瑰眼霜效果一般，唔算話去到好好用 。不過佢嘅玫瑰味幾清香自然，而且質地水潤保濕，搽完覺得係幾relax嘅，加上價錢唔貴，如果要求唔需要好高的話亦一試無妨。

呢隻面部舒緩保濕乳霜，可以同時當面膜用，的確一舉兩得。但係我覺得效果有啲兩頭唔到岸， 無論做面霜或者面膜效果都唔算好出色。 但要讚嘅係佢嘅氣味同質地 ，比人感覺十分溫和舒服。

平時用開啲潤膚露通常都比較潤，梗係唔係幾想查落對腳度，平時著鞋已經成日焗住，想返搵啲清爽型專係for對腳用。呢隻薄荷足部修護乳，搽完對腳涼浸浸，又可以消除腳臭，真係勁正。

之前一直用開泡泡染髮，貪方便。先排見到呢隻亮色護髮染髮霜做特價，所以買盒嚟試下。原來都唔錯喎，幾顯色，氣味唔難聞，唔傷頭髮。效果其實比泡泡好啲啲

呢隻sunkiller強效納米防曬乳液堅係又平又好用，試過搽咗之後勁曬太陽都冇乜點 黑。不過我覺得佢冇講得咁清爽，但都ok嘅唔笠，幾透薄水潤， 容易推開。