BoLeePinkOn

試過有啲暗瘡遮瑕膏，唔係勁乾勁厚，就係對付暗瘡冇乜幫助。呢隻我就覺得幾好用 ，佢質地好貼服，搽上去暗瘡位置唔會覺好突兀。cover 雖然唔算好強勁，但勝在自然透薄。而且對暗瘡真係有發揮到消炎同收斂嘅作用。

我試過，隻味道幾清，不過止痕功效唔算好勁。但係我家姐有小朋友，多數會選用呢隻，佢話雖然效果唔係好顯著，但勝在 材料天然安全，唔驚啲化學成分對小朋友造成傷害。

呢隻面膜我覺得只係一般，不過夏天用算幾正嘅，佢質地清爽唔笠，敷面嗰陣冰冰涼涼感幾 cool，毛孔有啲收斂咗咁，但睇番整體表現又冇乜特別，所以唔會話特別推薦，一用亦無妨。

而家週時朋友去下澳門或者內地短線旅行 ，唔想帶咁多瓶瓶罐罐，但又唔想用酒店提供嘅清潔用品。我會帶呢支清潔液，一支過搞掂勁方便。成分天然 ，大部分肌膚都適合，可以幾個朋友 share用，出門拎少好多嘢。

呢隻消毒噴霧幾好用呀～ 好過一啲洗手啫喱先，起碼冇陣好奇怪嘅味，仲幾好聞 。而且唔會話用得多咗會乸到皮膚乾爭爭，對於雙手幾呵護。噴霧裝設計用起來亦比較方便。

用咗之後,覺得冇咩特別,同普通洗面膏差唔多,以整體表現呢計,我覺得佢買得貴咗少少囉~唯一我覺得加分嘅 地方係佢嘅香味，畀人一種好舒服天然嘅感覺。

試完呢隻亮白水凝面膜，雖然美白效果唔算係好顯著，但係都唔差嘅。用咗都有啲保濕，膚色有變得更加均勻，佢有生薑成分 ，敷完感覺面色好咗咁。

用呢隻 l u s h 杏椰奶昔沐浴露沖涼真係好正呀～佢嘅成分純天然，沐浴嘅同時間為肌膚帶來溫和嘅滋潤，杏仁同椰子嘅香味 好有熱帶風情，good~

之前未試過呢隻牌子嘅眼霜，估唔到又幾好用。搽上眼覺得好滑，質地輕薄非常容易吸收，有效幫我減淡眼紋，而且對眼睫毛有修護作用，雖然我唔覺有增長效果，但係就冇再咁易甩。

用過好多隻潤唇膏，呢隻係其中一款我覺得好用嘅，佢嘅滋潤效果好， 搽完令雙唇柔軟保濕。最特別嘅，唔知係唔係佢純天然成分嘅關係，有時唔覺意舐到隻味有啲甜甜地，感覺好得意。

外型幾特別幾得意，同平時見開啲潤手霜 好唔同。搽喺手滋潤得嚟幾清爽，唔會好笠，而且隻味好清香。雖然效果唔算好突出，但價錢平又唔差，細細支方便攜帶 ，都不失一個唔錯嘅選擇。

聽過有啲人用咗有啲乸乸地 ，我用完又唔覺 ，反而覺得佢質地幾清爽，涼浸浸咁 ，令雙眼疲勞盡消。但係其他就麻麻地，保濕力只係一般，而且完全唔覺得有去黑眼圈效果，唔會有再買嘅打算。