BoLeePinkOn

我覺得幾方便有效，而且成份天然用得放心，之前試過其他牌子嘅免洗噴霧，噴出嚟唔均勻潔淨感麻麻，呢隻係我試用過之中較為有用，香味亦幾清爽好聞。

呢隻唇膏俾我感覺係不過不失，啲顏色幾靚，有亮澤感唔太誇張，都幾易襯，同埋質地算係順滑易推，顯色ok，但持久度差咗少少，滋潤感一般可接受。

呢隻冬天用我覺得差少少，滋潤度會唔多夠，但春夏天用就非常適合，尤其係油性或者混合性肌膚，佢嘅啫喱質感搽上面好快滲透，水潤感十足唔會覺得笠，雖然寫有24小時保濕太誇張，不過確實係幾持久嘅。

水凝膠原深層保濕面膜功效唔錯呀，滋潤度高又唔太笠，滲透得都幾快，最鍾意佢嘅面膜紙質地，雖然一塊裡面含有好多精華液，但LOCK得住唔會滴到周圍都係做成浪費，而且吸收得更加好~

呢隻磨砂功能上同其他牌子大同小異，佢就算得上係好用嘅，首先佢嘅粒子好幼滑仲係採用天然成份，唔會咁易對肌膚造成刺激，清潔效果唔錯幾乾淨，洗完塊面有清爽感，但又唔會太乾，值得一試~

呢隻唇膏就咁望D顏色好沉好成熟，但係搽上嘴後又幾自然，出來嘅效果較為低調，唔會好突出，適合返工日常使用，唇膏滋潤度我覺得一般正常算順滑透薄，上色容易，持久度幾好。

含有豐富礦物成份，用海鹽做磨砂粒子，既天然又環保，加埋滋潤清香嘅椰子，用完雙手肌膚變得亮白滑淨咗，搽潤手霜都易吸收好多。

我覺得呢隻草本氣味幾吸引，雖然我都鍾意啲甜甜嘅花香味但間中用下呢類都唔錯同，感覺非常清新自然，沐浴露質地比較溫和，沖完涼成個人好relax

搽响患處幾貼服，遮蓋到8至9成，我幾滿意，而且抗炎效果不俗，返屋企落妝見到紅腫位置有啲收斂，當然無真係用暗瘡膏咁勁但都算係咁，筆型設計，用起嚟亦比較方便。

Olay洗面膏平得嚟又唔差嘅，試過好幾隻，發現呢隻深層控油礦物洗顏泥比較適合我，洗得乾淨清爽感覺舒服，但又唔會太乾，不過呢隻就唔係咁易起泡。

呢隻粉餅一盒有曬CC底霜+粉底液+粉餅嘅功能，感覺幾方便，帶出街手袋好夠慳位。粉質唔錯，幾順滑搽上面無起粒粒或者現乾紋，水潤之餘唔油膩，KEEP咗幾粒鐘後控油度我覺得算係合格，不過色澤方面我搽就偏白同妝感較重，要經常提自己輕手D。

呢支係話可以搽完夜晚瞓覺果陣美白肌膚嘅，用咗一個星期左右仲未見到效果，不是呢個咁抵嘅價格我又唔會太苛求，或者效果唔快或者係我用唔明顯都唔定，但都幾好用嘅，一貫妮維亞香味親切討好，乳液質地水潤，保濕力良好~