BoLeePinkOn

用咗又唔覺得去到話有幾神奇，但我會覺得可以算得上係一支唔錯嘅噴霧，質感幾舒服，唔會太笠，保濕效果良好，唔會太重香味比較自然，都值得試試嘅。

呢隻我覺得一般好用，佢質地唔錯，有種清爽涼快嘅感覺，滲透力幾快，能夠即時保濕同舒緩眼睛疲勞，不過其他效果例去黑眼圈眼紋等等就比較普通咗啲了。

我覺得幾好用，洗完面乾淨清爽，去除到面上油脂污垢，有保濕效果唔會搞到肌膚繃繃緊，感覺舒服，香味幾好聞，泡沬唔算好多但頗溫和，可以一試。

啫喱質地清爽溫和，好容易推開同吸收，完全唔會覺得油膩，搽完之後要化粧嘅話都無咩影響，呢樣我覺得唔錯，去暗瘡印真係幾有效，淡咗好多。

成份天然溫和，搽上嘴好滋潤，有淡淡地蜂蜜香草氣味感覺幾舒服，有效防止乾紋同爆拆，滲透力唔錯唔會太油膩，用嚟搽唇膏前打底都OK。

呢支的確係有用，收得幾快，可以話急救良品，不過通常有效嘅暗瘡用品都會令患處肌膚變到幾乾，呢隻亦唔例外，但我覺得佢相對嚟講算溫和唔會太刺激。

呢支防曬乳幾好用，雖然唔算高度防曬，但SPF30PA++日常用的話已經唔錯，質地清爽輕盈，唔會阻塞毛孔，可以就咁用或者做妝前底霜 。

呢隻瑰麗保濕面膜適合秋冬天氣用，因為質地較厚同滋潤，敷完面覺得好潤澤保濕，有效舒緩寒冷乾燥嘅繃緊不適感覺，玫瑰花味香味還算自然，OK好聞。

冬天成日著靴同厚襪搞到勁多死皮，所以最近試緊呢隻lush赤足腳部磨砂皂，效果唔錯吖，用完對腳去咗唔少死皮成對腳輕鬆曬，裡面含有橙花油令肌膚亦滑嫩不少

質地非常清爽，保濕我就覺得一般，用後有少許繃緊，如果平時洗面效果唔錯好乾淨，但卸妝就唔算太理想，通常用嚟落防曬，有彩妝就好少會用佢或者洗多次。

The bodyshop四色閃爍眼影質量唔錯，一盒有四個深淺不同顔色，可以乾濕兩用，既容易配襯又多變化，質地順滑上色度良好，持久度可以，但唔算keep得勁耐。

一盒可以做曬眼霜兼唇霜，的確方便又慳位，不過份量少加上價格唔平，好快用完感覺幾唔抵用。質地幾正夠保濕，減淡唇紋唔錯，不過我覺得做眼霜效果好啲，尤其對付浮腫問題。