BoLeePinkOn

呢支MAC唇膏係我近期嘅心頭愛之一，佢啲色多選擇得嚟又自然，唔係太閃果隻，滋潤效果OK，嘴唔太乾嘅朋友就咁搽都得，但我呢啲好乾嘅就都要打下底先，不過搽上去係順滑同易上色嘅～

呢隻面膜我覺得算OK，價錢亦合理。整體表現對我嚟講不過不失，佢都有做到保濕嘅功能但又唔算話令我覺得好正好舒服嘅感覺，普普通通嘅一隻面膜。

我個人幾偏好呢類啫喱質地嘅眼霜，呢隻白皇后亮白雙效眼霜仲特別設計咗圓形金屬按摩管口，感覺更加冰涼舒服～用完對眼倦意全消，又可以用嚟做eye mask，呢個價位算幾化算。

呢隻魚子精華的確係好正，質地好水潤，搽上好快滲透無黏膩負擔感覺，用咗半支就見效，肌膚緊緻度同亮澤度都見到改善，但真係太貴唔會keep住用。

又唔可以話佢無用，但去斑效果比較緩慢，需要俾啲耐性，質地唔錯幾易吸收，唔會太油膩，其實佢雖然去斑唔太明顯外用咗整體膚色有均勻提亮咗，都算唔差嘅。

沐浴露嘅香味好清，淡淡地嘅薰衣草同茶樹油氣息令人感覺非常放鬆，每晚放工後用佢嚟沖返個涼真係relax好多，肌肉無咁繃緊易瞓咗唔少。

保濕效果非常地良好而且鎖水力持久，玫瑰味淡淡地勁清香，質地清爽滲透力強，比預期中更加好用，雖然價錢有少少貴，但我認為值得投資嘅

顏色幾自然，顯色度亦夠高，筆頭順滑容易上色，唔會硬繃繃刮到眼睛肌膚唔舒服，有粗幼兩邊筆頭，都好好畫！而且價格實惠，買得過呀！

轉季要用滋潤度高啲嘅面霜，但我又唔鍾意太厚果種質感，試過好多種我覺得呢隻幾合我心水，佢雖然都係幾杰下，但好容易推開同吸收快，搽少少就好保濕，所以感覺都幾抵用。

呢隻質地好厚同滋潤度高，唔算好快吸收，不過隔一陣就會發現好正，乾紋同死皮都無咗勁多，加上薄荷成份感覺好舒服，我通常响做完磨砂同浸腳後用。

雖然呢隻溫泉柔膚潔膚水話適合乾性皮膚使用，不過佢質地潤得來唔會好笠，所以我唔係乾肌都會响秋冬季節用佢，佢隻味淡淡地幾香，清潔效果亦好乾淨下。

呢支升級版藍鑽緊緻速效修復精華我覺得值得買嚟試試～首先我幾鍾意佢隻味好清香，質地潤得來唔會太濃稠非常易吸收，用完好保濕又keep得耐，唔錯！