hehawewa

呢款妝前底霜超補濕，好好用，冬天必備化妝必備！質感似乳液，味道聞起嚟有啲似白膠漿，容易推開，搽喺面冇顏色，但感覺有提亮膚色，而且佢滲透度好高，皮膚吸收快，保濕鎖水，滋潤唔油笠，之後上妝好貼服自然。

質地介乎水與啫喱之間，質地輕盈，瓶口設計貼心，避免唔小心一次過倒出太多。用後肌膚保濕度變好，而且吸收很快，迅速補水，滋潤肌膚又唔會油笠笠。

呢支乳液裡面有金箔，本來以為會摸到一粒粒，但推開之後金箔唔見晒。用後好滋潤保濕，皮膚吸收快，又唔會黏黏笠笠。

包裝外觀好有質感，膏狀質地，細緻順滑順易推，不過推開後，毛孔同細紋好明顯，如果膚質唔好，建議用喺鼻樑、顴骨等細部地方，但因為佢超級無敵閃，所以用量要控制好。

鍾意底妝透亮、光澤感又保濕，可以考慮呢款質感好薄嘅粉底液。佢似水狀乳液，保濕度相當好，而且很好推勻，底妝好貼服自然，不過因為很薄透，所以遮暇度中等，一般毛孔及小暇疵可遮蓋，斑同暗瘡就要另外用遮暇膏。

白色乳液狀，有淡淡香味，質地清爽、唔黏笠、唔厚重，皮膚吸收快，膚色唔會過份白。平時趕時間就咁搽佢再撲粉就返工，感覺都唔錯，可能因為佢可以當隔離乳咁用，化妝前用，妝效持久貼服自然。

好好用嘅卸妝霜，雖然有黑糖成份，但冇黑糖味，反而係淡淡嘅清香，塗上臉再慢慢按摩，感覺好舒服。卸妝效果十分好，好濃嘅眼妝都卸得超乾淨，皮膚都好清爽，唔乾又唔笠。

粉質細緻，呈淡淡鵝黃色，用後膚色有輕微提亮效果，遮暇力唔錯毛孔細紋變得不明顯，妝感薄透自然，但持久度就好一般，好快出油溶妝。另外，個盒同出粉口設計，話可以分配適當分量嘅定妝粉，用掃就係嘅，如果好似我用粉撲，真係要倒N次先可以定到妝。

可以同時作為胭脂、眼影、唇膏，一物三用，一支搞掂晒。質地似偏乾嘅唇膏，觸感輕盈柔潤，用手直接就可以推勻，順滑貼服，色澤柔和自然持久。

瓶身嘅蝴蝶造型，加埋粉粉嫩嫩嘅顏色，好可愛別緻。粉底液質地偏乳液狀，推開後，妝感透薄自然，可以均勻膚色，有一點粉嫩感，但欠缺光澤，而遮瑕能力、控油、保濕度都好一般。

如果鍾意好香、好甜嘅味道，呢支就啱晒。泡泡細緻綿密，有好濃嘅蜂蜜紅茶味，塊面好似浸咗落杯茶度咁，洗後有保濕水嫩感，唔乾唔繃緊，不過控油就一般，乾性皮膚用會較好。

第一次用蠶絲質料嘅面膜，面膜質地好薄身，個cutting都ok，都算配合到臉形，貼服度唔錯，而且蠶絲質地面膜吸咗滿滿嘅精華，敷上臉，非常保濕鎖水！