hehawewa

第一眼會以為佢係指甲油，其實佢係液態胭脂，係呢個品牌唧明星產品。第一次接觸液態胭脂，感覺好得意，用法方便簡單，直接喺面點兩點，再用手指輕輕拍開，質地輕薄好推勻，有淡淡精油味，比起粉狀胭脂，液態胭脂持久度較高，而且更能貼合肌膚，妝感自然通透。

白色乳霜質地，容易推開，在臉上推開會變透明油狀，有效溶解彩妝，乳化程度高，而且卸得好乾淨，唔使再用洗臉乳都得，洗後不滑膩且柔嫩保濕。

乳霜質地，容易推開，塗抹均勻，滲透度高，皮膚吸收快，保濕水潤，滋潤肌膚而不油笠，冬天用保水程度都唔錯。

士多啤梨鼻救星！T字位經常出油，個鼻又多黑頭粉刺，本身冇去開做facial，因勁怕俾人sale，平時都係自己用黑頭針處理，但又痛又易甩皮，而且好快又有返黑頭，勁煩惱。經朋友介紹，用咗呢支黑頭再見淨化啫喱，早晚在用化妝水後搽少少喺鼻再按摩，但要小心唔好太近眼睛，否則會有刺痛感，用咗一星期，覺得鼻上粉刺黑頭有軟化，輕輕唧就出，之後用去角質，個鼻勁乾淨，持續用咗兩個月左右，黑頭粉刺比以前少了大概20%！

對薄荷味唔特別討厭，亦冇任何偏愛，純粹鍾意佢冇乜花香味，而且薄荷有提神醒腦作用，朝早起身噴一噴好醒神，又清爽舒服。

顏色乳黃，有淡淡花香味，味道很好聞，質地屬於濃稠狀，但又唔厚重，好柔滑、易推開，皮膚吸收快。呢款精華霜對我嚟講，有少少油笠，所以夜晚瞓覺前先用，第二朝起身，覺得皮膚保水度唔錯，而且仲變得柔嫩。

磨砂膏難得會出咖啡味，身為咖啡控當然買嚟試下啦！一打開就有超香濃嘅咖啡香撲鼻，同真咖啡一樣。磨砂粒粒比一般嘅稍微粗大，慢慢按摩，粒粒由大變細，死皮角質都被磨出嚟，沖水後皮膚很嫩，超光滑細緻，之後即使冇搽lotion，都冇乾燥缺水，保濕水強。

質地清爽唔油笠，但味道唔太好聞，稍微有保濕，滋潤保水都好一般，要靠佢渡過乾燥冬天唔多掂，效果沒佢介紹咁好，反而佢支精華油就好用。

嫌花香味嘅香水味道太香太濃，個人偏愛果香，呢支甜橘味好好聞，味道清新舒爽，男女啱用，可惜佢嘅香水味揮發太快。

少少分量加起泡網，可以大量起泡，泡泡綿密細緻，帶有淡淡香味，清潔力不錯，整體嚟講，雖然洗完臉唔會太繃緊，但其他效果就冇咩太大感覺，唔會回購。

皮膚好易敏感泛紅，有次朋友介紹用呢個蘆薈面膜，啫喱狀質地好保濕，好易推勻，敷嗰陣味道好清新，感覺冰冰涼涼好舒服，沖水後皮膚吸滿水，保水度大提升，有效舒緩敏感肌膚，仲有美白效果，價錢又唔貴，性價比高！

秋冬護膚品都要轉季！乾燥天氣肌膚好容易失控，尤其保濕做得唔夠好，所以冬天必用呢支HABA精華油。質地半油半水狀，屬輕油類，非常好吸收、豐潤但不會油膩，每次2-3滴就夠，如果怕太潤用淨係佢就夠，第二朝起身唔再係滿臉油光，皮膚狀況好咗，變得比較有彈力，不再暗淡無光。