hehawewa

夏天出汗多，如果用味道太甜嘅香水，汗味加香甜味，嗰種味道分分鐘難聞過臭狐。Guerlain呢支百香淡香水，以為會好甜，佢雖然有濃濃嘅百香果味，但一啲都唔甜膩，仲有陣清新嘅酸果味，噴上身好清楚，好啱夏天用。

質地偏水狀，塗抹在臉上很好推開，皮膚吸收快，唔黏笠，味道好香，補水能力強，無論喺冷氣房定悶熱環境下使用，塊臉都唔會乾，但要注意使用份量，太多皮膚有負擔，易生痘痘。

卸妝油透明無味，質地溫和不刺激，非常好乳化，手濕都用得，卸得好乾淨，多按摩幾下防水睫毛膏都卸清，唔會澀眼，用後皮膚唔乾唔痕、水嫩滋潤。

透明水狀質地，散發非常香甜嘅奇異果香味，使用後感覺膚色明亮度明顯提升，而且好保濕滋潤，適合乾燥粗糙嘅膚質使用，用後肌膚變得柔嫩許多，持續水潤，舒爽不黏笠。

返工一定要有支噴霧旁身，公司冷氣長開，個人好易被抽乾，間中噴下可以保濕滋潤肌膚，呢支噴霧味道清新，生菜同青瓜成份有效補水，仲可以濕敷，舒緩曬傷紅腫嘅肌膚，用後清爽舒服，唔油笠。

用過日本之前好hit嘅六角形粒粒潔面粉，覺得好乾好繃緊，所以對HABA呢隻潔面粉冇乜興趣，係朋友分咗啲俾我先試下用。質地普通潔面粉差唔多，用量好慳，少少粉加水再用起泡網，泡泡豐盈綿密，清潔力好，唔知係咪因為無添加化學成份，洗後皮膚唔繃緊繃，仲好保濕，清爽舒服。

當初買HABA其他產品時，收到5g贈品試用，質地濃稠，臉上推開有少少黏笠，但皮膚好快吸收，感覺好水潤保濕，第二朝皮膚好滑，有光澤又有彈性。

潔面皂一般清潔力強，洗後會嚴重乾燥繃緊，但HABA鯊烯潔面皂冇呢個問題，成份天然，清潔力好，易沖洗乾淨，滋潤不滑膩，保濕度高，洗後肌膚水嫩柔軟。

好欣賞RMK嘅粉餅，所以試下佢支Base，如果追求好薄好貼嘅底妝，呢支質地超水嘅就啱晒，好貼服，可惜佢太水，好難搽得勻，而且遮暇力一般，不過佢係好保濕嘅。

都唔記得幾多年，skin food呢支係我化妝入門第一支嘅BB Cream，嗰陣先啱啱興起BB Cream呢樣嘢。我記得喺韓國買70港幣一支，依家應該加咗價？粉底霜質地比較厚身，相對遮暇度高，而且有蘆薈成份，潤易推，不過色號唔多選擇，以價錢嚟啱中學生。

唇膏狀設計，方便易用，但夏天較易溶化，唔小心就會整多咗上面，最後都係要用掃慢慢推開，質地柔軟易推，都幾滋潤，有效遮到暗瘡印同黑眼圈。不過色號得兩個選擇，未必人人啱用。

粉餅質地似膏狀又似霜狀，用粉撲拍上面即時似溶開咗，好易推、水潤保濕，有效遮蓋斑點、修飾毛孔、撫平細紋，膚色均勻咗，妝感自然貼服，持久度高。唯獨唔太滿意係粉餅比其他品牌細，價錢貴接近一位，試過唔會再買。