hehawewa

旋轉壓頭開合，按壓式設計，方便易用。白色乳霜質地，有柑橘類植物精油味道，幾好聞，柔滑好推勻，肌膚容易吸收，溫和不刺激，保濕鎖水又唔會黏笠笠，早晚用，T字位出油少咗，化妝都貼服啲。

LA MER出名貴但好用，呢款精華面膜都係正嘢。打開嗰陣見佢綠色，感覺唔係咁好，但係佢質地輕柔，特別好鍾意佢個掃，好易推勻，又柔軟舒服。薄敷一層，滋潤度唔錯，唔會油笠笠，連續用咗幾日，毛孔細咗，肌膚滑溜咗。

雙色眼影細細盒，方便攜帶，眼影質感佳，一深一淺顏色，輕易做出煙熏妝，顯色度好高，輕輕一掃就上色，妝感透薄貼服，可以一層層加厚上色，化出想要效果。

Guerlain嘅眼影盒包裝真係好靚，呢個全銀色配雕刻圖案，忍唔住手又買咗！眼影粉質一如以往咁細緻順滑，好顯色，而且顏色好特別，4隻色各有特色，可以化出唔同感覺嘅眼妝。

銀色通花盒好精緻，好有仙氣，好似藝術品咁，就算用晒啲眼影都唔會捨得dum。買嗰陣一直猶豫大地色定紫色系好，兩款都好靚，最終揀咗有玫瑰粉紅、紫羅蘭色嗰款，女人味重啲，6隻色單獨用或任意配搭，都可以襯到唔同場合同衣著，眼影粉質細緻，且相當顯色，色澤亦好飽滿。我最鍾意佢跟盒個掃，一啲都唔拮，一邊係山羊毛，一邊係貂毛，掃上眼自然又舒服。

質地溫和易推，清潔力還可以，基本彩妝都卸得走，用後都好保濕，清爽唔黏笠，可惜唔啱我皮膚，用咗之後起粒粒，即刻送咗俾表妹。

雖然呢支按摩油主力係俾孕婦用，不過朋友介紹話減緊肥都啱用，可以幫助收緊返皮膚，冇咁鬆弛。按摩油滲透度唔錯，皮膚吸收快，又唔油笠笠，而且佢味道係植物香味，聞落好舒服，只係價錢貴啲啫。

質地輕輕盈透薄，容易推，清爽保濕，滋潤得嚟唔會油笠笠，化妝前用，妝感貼服自然，出油少咗。不過功效同價錢唔成正比，好多平過佢嘅乳液都有相同效果，唔抵買！

質感絲滑清新，好易推開，皮膚吸收快，一陣間就滲入肌膚，而且感覺保濕滋潤，用咗一排，皮膚質素好咗，膚色均勻咗，毛孔細咗，色斑、細紋淡咗，效果咁好，肯定回購。

YSL呢樽乳霜真矜貴，有幸俾我試到！瓶蓋到瓶身黑金色設計，好高貴，襯晒個價錢。貴就貴在佢成份有珍貴嘅藏紅花蒸餾精華，可以激活肌膚再生，填補細紋。質感輕盈清新，柔滑細緻，滲透度高，瞬間融入肌底，清爽保濕又滋潤。

聞咗佢同款香水，好鍾意隻味，因為自己冇特別用開香水，所以先會買佢，不過個香味同香水有啲啲唔同。一般乳液質地，容易被皮膚吸收，清爽滋潤，香味都好持久。