hehawewa

黑盒配上燙金logo，感覺高貴優雅，打開有淡淡花香撲鼻，胭脂有壓花紋，粉質幼細，有微量珠光感，用跟盒嘅馬毛掃輕輕一掃，顯色度高，妝自然持久，又好氣色。

細長亮金色包裝好靚，嘴唇易乾，習慣打底再搽唇膏，呢支打底好好用，唇色即時淡咗，嘴唇滋潤又順滑，唇紋唔明顯，而且令之後上色好明顯，色澤特別靚，妝效都好持久。

質地相對同品牌唇膏比較冇咁水潤，用前搽潤唇膏打底較好，否則唇紋好明顯。唇彩一般都會有啲黏，但佢好在唔油笠，顯色度不錯，效果好持久，我鍾意單搽一層，妝感霧面，不會過份高調又有氣質。

小黑裙係Guerlain經典香水系列之一，將味道甜、少女味重呢點都延伸到唇膏，滋潤度不錯，易推勻，本身唇易乾，用咗好順滑，不易脫皮，顯色度中上，能遮蓋本身唇色。

質地好滑順細緻，很易上色，好保濕滋潤，可以撫平唇紋搽足全日嘴唇都冇乾燥龜裂嘅不舒服感，遮蓋唇色效果好又均勻顯色，妝效持久，不易脫色。

金屬外殼好有質感，仲係雙面鏡盒設計，已經好吸引，唇膏有很細緻的珠光，顯色度高，質地細滑滋潤，保濕不卡紋，唔搽潤唇膏，直接搽上嘴都好水潤，持久度高。

金色包裝高貴不俗氣，而且觸控式半自動化唇膏好少見，搽上嘴滋潤保濕，質地細緻，又超顯色，持久程度高，不易脫色，幾小時唔補妝都冇問題。

唇膏本身唔硬唔軟，既滋潤又保濕，水潤唔卡紋，顏色好雅緻、有質感，持久程度高，香味偏重，但可以接受，唯一遺憾係顏色選擇唔夠多。

四色眼影有9款顏色，花多眼亂，都唔知揀邊隻好。外盒金色鏡面設計，貴氣而不俗氣，新版眼影比舊版多了壓花紋，好有質感，粉質依舊細緻，粉體濕潤，唔會有飛粉問題，而且帶有細緻珠光，好顯色。

包裝精緻高貴，送咗大地色俾朋友做生日禮物。粉質細緻，唔容易飛粉，柔順易上色，妝感貼服，仲有珠光輕盈粉末，亮麗而不誇張，特別鍾意佢每次上色都好淡，可以一層層加色，化淡妝丶濃妝一樣輕而易舉。

本身冇用香水嘅習慣，呢支係朋友送，擺咗喺櫃勁耐，有次搵嘢先發現佢，拎出嚟噴下，蘋果味甜得嚟又幾清新，個味都可以接受，所以間中出街都會噴下，不過佢揮發得幾快，通常噴完一陣就冇晒味。

本身勁容易出汗，如果夏天戶外活動唔用止汗產品，肯定爆汗。習慣用走珠多過噴霧，覺得均勻啲，用咗固然係冇咁爆汗，不過鍾意著黑色衫，腋下兩邊成日白咗一撻，自從Nivea出咗呢支無印版，完全符合晒我要求！