hehawewa

一套買嘅遮暇筆，一支用嚟遮瑕，一支用嚟打亮，遮瑕筆效果好好，質地順滑易推，又有保濕效果，唔會起乾紋。打亮筆都幾好用又易畫，不過唔太習慣另外用打亮筆，所以很少用。

黑色外盒亮面設計，高貴大方，但容易沾指紋。粉撲位冇透氣細孔，要注意收藏同清潔，避免發霉。粉質很密實，所以唔太會飛粉，每次用粉撲拎粉時，唔會拎得太多，撲上面營造出裸妝感，但遮暇力相對較弱，適合鍾意化淡妝嘅女士。

包裝高貴大方，粉質細緻柔軟，介乎粉底液同粉餅之間，遮瑕力唔錯，保濕度也夠，唔會感覺好厚粉同浮粉，妝感貼服自然，持久度高。

呢款粉餅好實用，集底妝、修容、打亮三合一，亮肌修容效果好正， 無論係打亮色定修飾深色，粉質都好細緻，遮暇力強，唔浮粉，妝感貼服自然。

包裝好有質感，粉質細緻順滑，容易推勻，膚色唔暗沉，白色部分可以打亮T字位，妝效啞緻立體，妝感貼服自然，不容易浮粉或卡粉，控油唔錯，持久度高。

講明古銅色緊係唔啱白皮豬用，我朋友鍾意曬太陽，我送咗呢個粉餅俾佢，同佢膚色勁夾，佢大愛。粉餅質感好creamy，細滑易上，保濕又唔油笠笠，控油程度唔錯。

包裝設計麻麻，好難出粉，撲上面唔均勻，撇除呢點，佢粉質幼細，遮瑕度高，輕撲幾下雀斑都遮晒，而且佢控油程度好好，大半日都仲keep到個妝。

因為自己有盒亮白彩妝粉好好用，所以介紹朋友買，佢鍾意多啲粉色珠光，睇中咗呢款彩虹粉球。粉質細緻順滑，貼服透薄，掃多幾層都唔覺厚，而且唔會好乾，珠光效果唔誇張又持久，令整個妝感提升。

之前用過彩色嘅蜜粉覺得唔錯，後來俾表妹要走了，所以買呢盒試下。個盒依然係咁靚，玫瑰花紋又精緻，蜜粉球有3種深淺色調嘅白色，粉白、粉紅白、藍白3種層次白光用嚟定妝，可均勻膚色，妝感透薄貼服，效果自然。

絕對係俾個盒吸引先敗家，價錢唔平，但包裝確實好精緻，好似貴價精品禮物一樣。第一次用炫珠粉，感覺幾好，同其他碎粉相比，佢有個優點，好難一次撲上大量蜜粉，相對減少厚粉，同大量粉產生嘅乾裂危機。粉質細滑唔乾，妝感自然貼服清透，不過遮暇度一般。

雙色胭脂組合，覺得佢有啲色號深淺色反差太大，感覺有啲難用，但試上手，原來望落深色嘅只有一層淡光，佢可以混合兩色再掃上面，或者先掃主色再掃打亮色，兩種塑造出不同嘅層次感。

胭脂係主宰整個妝容氣色嘅重要角色，要畫出自然腮紅，最好用兩種以上顏色，呢盒有埋修容效果嘅胭脂就啱晒。質地細緻，粉質細軟且有保濕感，顯色度佳又自然，可自行調配比例運用，妝感明亮透薄，低調但有明顯光澤。