hehawewa

去韓國旅行嗰陣，表妹介紹我買呢隻卸妝膏，真係好好用。膏狀質地帶點水潤感，好易推開再邊按摩邊卸妝，卸妝力強，防水彩妝都可以徹底卸走，，沖水後皮膚感覺好清爽，唔乾唔笠，仲好鎖水保濕。

超好用嘅潤唇膏，香港買好貴，朋友喺美國返嚟買嚟做手信，嗰邊價錢好平。潤唇膏由多種天然成份煉製，冇乜特別味道，有淡淡嘅薄荷味，搽落嘴好保濕滋潤，即時修護唇部，冇咁易爆拆甩皮。

個蓋有啲難開，質地係膏狀，打開有淡淡嘅檸檬香，膏質偏硬實，不過沾少少就可按摩晒雙手同雙腳指甲，而且十分清爽不黏膩，用咗死皮同倒刺都少咗。

椰子油對修護皮膚好好，雙腳缺乏保養，經常爆拆，死皮又多，搽咗呢個好好多。但佢真係好滋潤，搽後要著襪，如果唔係好跣腳，另外佢椰子味好重，未必人人接受到。

灰色mousse內有一點點嘅火山岩渣，質地較一般泥膜潤澤輕盈，順滑易推，敷10分鐘清洗乾淨，皮膚同毛好似做咗深層清潔，感覺好清爽，又唔會太乾。

質地不油不黏，推勻時皮膚明顯感覺到水潤感，滲透度高，皮膚吸收快，淡淡綠茶味好清新，可以平衡膚質，隔天起床塊面臉冇爆油，又唔會因保濕力唔夠而脫皮，值得推介！

用過同一品牌嘅爽膚水同精華液，覺得幾好，今次就試埋支潔面乳，果然冇令我失望，質地順滑細緻，易推易洗，洗得好乾淨，塊面唔乾唔笠，有效平衡油脂分泌。

一套三枝礦物泥面膜套裝，可因應膚質而選擇唔同嘅泥膜，有白色（溫和）、粉紅色（保濕）及綠色 （清爽）3 種。泥膜質地濃稠，易推開，用後感覺好乾淨，深層清潔毛孔同油脂，但唔會太乾同繃緊，清毛孔。

活膚水內含莓果精華，質地呈水狀，洗臉後用化妝棉敷5分鐘，清爽唔油笠，滲透度高，皮膚吸收快，即時感覺到肌膚好水潤。之後再用其他護膚品，皮膚吸收感覺都好咗，用完會回購。

粉質幼細柔滑，蜜粉顏色望落去偏白，佢內自然色同明亮色兩種選擇，我揀咗自然色，用粉撲上粉效果貼服，遮暇度高，膚色均勻咗，改善暗啞問題，妝感非常自然，持久度、控油都唔錯，化咗妝大半日只係個鼻出油。

防曬底霜質地清爽輕盈，唔厚重、唔黏笠，有調色功效，唔同顏色底霜針對皮膚暗啞、偏紅或偏黃色調，搽薄薄一層已經可以均勻膚色，效果自然持久。

修護霜分3、5、7，代表Bio-RTx™含量3%, 5%, 7%，亦係因應唔同膚質而設。3號修護霜質地輕盈，呈啫喱狀，滲透度高，極速被皮膚吸收，清爽唔黏笠，同時強效控油鎖水，改善肌膚水油失衡。