hehawewa

一款好好用嘅眼影底霜，平時眼蓋位會出油，眼妝好易溶，搽咗呢個可以keep到成日之餘，仲好顯色，有4隻顏色選擇，適合不同膚色嘅人。

單色用或者兩色混合用一樣得，好靚好閃，控油程度唔錯，眼蓋位冇出油，眼影質地易推易掃，又有勁多顏色選擇。

眼部、臉頰兩用彩妝盒，非常方便，而且啡tone顏色好靚好易襯，眼影部分仲有閃粉效果，掃上眼閃耀迷人，好啱今個秋冬入手。

呢個光影粉顏色好靚，輕輕一掃就可以掃上臉，唔會好深色，效果非常自然，不過價錢太貴，打光影可以買便啲嘅牌子。

低刺激配方，溫和微煥膚，可以去角質，用後皮膚唔會過乾，而且保濕度高，感覺好水潤，用咗一星期，角質層明顯減少，膚色都以前白咗，冇咁黃。

包裝好鮮豔奪目，上面個百老匯女郎好搶眼。爽膚水質地輕薄，皮膚滲透度理想，唔黏笠夠保濕，化妝前用佢敷10分鐘，個妝好貼服，出油都少咗。

澳洲天然護膚品牌，包裝用上40、50年代嘅“Pin Up Girls”百老滙女郎，好靚、好獨特，好重懷舊味。精華質地輕薄易推，滲透力高，用後肌膚變得水潤柔滑。

習慣每日沖涼後都要搽body cream，Origins呢款薑味好重，有啲人可能唔鍾意，不過冬天用，可以邊按摩邊暖身。質地細緻易推，皮膚吸收度高，用咗好潤，細紋都少咗。

成日捱夜唔夠瞓，黑眼圈、眼紋好嚴重，得朋友介紹用呢個溫泉注氧睡眠眼膜，每晚瞓覺前搽喺眼周，好易吸收，有輕輕拉緊嘅感覺，第二朝起身眼紋感覺少咗。

茶樹味道都幾重，接受唔到會好難忍，質地同普通潔面乳差唔多，起泡都ok。始終有茶樹成份，用咗暗瘡出少咗，面油都少咗。

有啲酒精味，唔算太重。質地易推，用少少就夠，但夏天用似乎太潤，有少少笠，冬天用反而好保濕，用後皮膚感覺到緊緻咗。

如果想搵支溫和唔刺激皮膚嘅潔面乳，呢支會好啱用。初時用會唔慣，因為佢好難起泡，可能因為咁份量會用多咗。由於用蜂皇漿關係，顏色呈淡黃色，味道好濃郁，洗完臉好似有層薄膜敷喺面，但唔會油笠笠，感覺好保濕滋潤。