hehawewa

Anna Sui包裝一向好靚，黑色加紫色唇膏外盒好正，呢款款唇膏冇乜味道，不過佢有珍珠閃粉，搽上嘴閃令令，啲顏色都特別靚。

MAC唇膏太多顏色，唔知點揀好，佢好上色又唔易甩，不過搽前一定要打底，佢始終唔夠保濕水潤，試過唔記得打底出晒唇紋仲起埋粒粒。

用完再用，已經買咗好多支，呢支base可以自然調色，如果唔化妝，搽完就咁上碎粉就得，佢防曬度足，又有美白效果。

我眼蓋勁易出油，如果唔搽eye base，眼妝好快就化開，變咗熊貓眼，朋友介紹用呢隻eye base，質地唔厚，自然色，易推開，控油ok，眼眼妝keep到到夜晚。

我士多啤梨鼻好嚴重，化妝最重視點遮暇，Benefit呢支質地杰身，帶少少淡粉紅，遮毛孔不過不失，但佢控油唔錯，全日個鼻都只係出咗少少油。

泡沫base好得意，以為會好難用，搞到塊面一撻撻，但原來用海綿就得，好易推、好貼服自然，而且紫色呢支仲有提升亮白效果。

第一次用呢個牌子，平時用開嘅精華都比較厚身，覺得敷到塊面，呢支精華質地水狀，用時有陣清涼感，感覺好清爽、唔黏笠，滲透力強，皮膚易敏感嘅人都啱用。

公司一定要長備一支保濕噴霧，冷氣太勁會抽乾晒塊面，用Vichy呢支火山礦物溫泉水噴兩下，好吸收，即便冇咁乾，平時用佢嚟定妝都得。

啫喱質地起泡容易，洗完面好舒服，唔乾唔笠，本身塊面好容易出油，用咗呢隻洗面油脂分泌平衡咗，暗瘡都出少咗。

之前消委會測試報告話Olay呢隻同貴價品牌保濕度差唔多，即刻去萬寧買嚟試，用咗皮膚感覺真係好水潤保濕，開冷氣瞓成晚起身都唔覺乾。

以呢個價錢嚟講，Olay呢隻修護霜不過不失啦，但效果肯定就冇佢廣告吹噓到咁勁，質地易推，但滲透力麻麻，搽完皮膚好快感覺到乾。

好好用，控油同收毛孔都好得，我會夜晚洗完臉，做好所有護膚程序，最後搽呢個晚霜，好易推而且唔黏笠，滲透力強，第二朝起身毛孔細咗。