hehawewa

習慣用缷妝水缷妝，但防水眼妝、不脫色唇膏嗰啲，用缷妝水好難缷得乾淨，都係要用缷妝油缷先乾淨，Maybelline呢支眼唇部缷妝液細細支、價錢平，啱晒我！

超好用嘅眼線筆！由最初用眼線膏轉用眼線液，擔心好難控制，驚會畫花，但用呢支眼線液完全冇問題，筆尖勁幼又易畫，新手化妝都好易handle，而且持久力好又防水、防油，全日都唔會化開，仲有就係Maybelline呢個美國品牌，價錢非常大眾化！

第一次畫眼線就係用Bobbi Brown呢隻眼線啫喱，易用又易上色，仲有好多顏色揀，最鍾意用閃啡，感覺亮眼得嚟又唔會好似黑色咁死實。

眼線筆始終都係麻麻地，但呢支真係超超超級唔好好用，又話防水、防汗、防油，勁易甩，搞到變咗熊貓眼，勁肉酸。用咗一次即刻掉垃圾桶！

好保濕、好潤，油性皮膚唔建議夏天用，會好笠，冬天用較好，新裝比舊款更易被皮膚吸收，同滋陰水夾埋一齊用，效果更好。

好多人都話cushion好方便易用，但偏偏我就完全唔啱用咁，試過好多唔同牌子，上妝冇幾耐就出油、浮粉，喺我放棄之際，朋友介紹我用雪花秀呢隻cushion，感覺好好多，唔笠唔油，個個妝仲keep到。

啡tone色系勁好用，而且仲好閃，一盒9隻色混合用，可以撞出唔同效果嘅眼妝，帶去旅行就最啱，日日轉look都冇問題！

第一次用可能會有啲唔慣，因為佢感覺比其他hand cream笠，所以擠少少用就ok，佢最大好處係可以當hand mask用，夜晚搽厚少少，第二朝起身兩隻勁水潤，乾紋消失晒！

包裝好靚同好重玫瑰味，用後對手香噴噴，可惜滋潤保濕效果一般，持久力又唔夠，對手好快就乾。價錢唔算平，我覺得用其他hand cream好過啦！

相比泡泡染髮劑，我都係覺得傳統要自己溝嘅染髮霜好用啲。L'Oreal呢隻冇亞摩利亞，陣味冇咁重，染出嚟效果明顯，顏色又多，價錢又公道。

泡泡染髪劑係就係好方便、好易用，而且又唔貴，喺屋企自己一個都搞得掂，不過染完去salon俾髮型師鬧，佢話泡泡染髮劑搞到個頭啲色一撻撻勁肉酸，仲叫我以後唔好再用。

有辣椒成份，搽完會好熱，感覺似係燃燒緊啲脂肪。好多人話用咗可以減到手臂、肚腩，但我用咗一支都冇效果！