hehawewa

想當年做手術，有條4-5cm長嘅疤喺個身度，雖然著衫遮到，但都想條疤消失，但又唔想做咩激光嗰啲，見佢廣告賣得衡，即管買嚟試，佢話要日日早晚用，我好有恆心用咗半年到9個月，終於條疤冇咗啦！所以佢真係得嘅，但我諗要好長時間先有效果。

呢排轉季，天氣涼返啲，冇咁熱係好，但我塊面就好好，一乾就痕，又易紅易敏感，即刻用返Creme de La Mer精華啫喱面霜急救，鎮靜返舒緩晒，還原靚靚面！雖然價錢超級貴，不過佢又真係真係救到我塊面，惟有慳住用啦！

呢排轉季，天氣涼返啲，冇咁熱係好，但我塊面就好好，一乾就痕，又易紅易敏感，即刻用返Creme de La Mer精華面霜急救，鎮靜返舒緩晒，還原靚靚面！雖然價錢就係貴咗啲，不過佢又真係真係救到我塊面，惟有慳住用啦！

Lip Gloss嚟講算好用，唔會太笠漿住個嘴，而且佢啲顏色又靚，易上色、易推之餘，深淺色又可以推開調較，不過持久力就一般，成日好快就要補色。

與同品牌嘅金盞花toner比較，個人鍾意呢支青瓜水多啲，味道淡啲又清新啲，拍落塊面度感覺好清爽，我塊面有時會發紅敏感，擠啲落化妝棉敷上臉一陣，即刻舒緩褪紅。

俾BB用嘅嘢一定要揀天然，呢方面kiehl's絕對信得過，呢支護唇膏好滋潤，阿B用咗個嘴仔勁水潤，而且帶出街又方便，不過夏天嗰陣就比較容易溶，存放要留意返。

呢支金盞花爽膚水出名好用，塊面唔乾又舒服，而且我好肯定佢係用天然植物萃取提煉，因為呢支toner金盞花香味好勁，引咗好多蜜峰入屋企，直到我用完先至冇蜜峰出現。

Innisfree skin care綠茶系列產品一向好好用，呢支綠茶保濕精華，有淡淡嘅綠茶味，好清新，保濕效果唔錯，但明顯唔夠滋潤，夏天用會啱啲，冬天用嘅話塊面略嫌較乾。

呢隻遮暇膏顏色選擇多，質地輕薄得嚟遮暇度頗好，而且好易推開，效果都好自然，不過個人覺得佢持久力一般。

有用過Innisfree啲skin care，覺得唔錯，所以就試下佢啲化妝品，點知用呢隻cushion就出事啦！成塊面好油好笠，可以煎蛋咁，個妝一陣就溶晒，真係嚇死人，搞到我即刻買缷妝水缷咗佢！

之前轉用咗Orbis無油防曬底霜，就順手買埋防曬粉底液嚟試，可能係同品牌，底霜同粉底液好夾，好易推，遮暇效果好，控油又好，防曬仲有SPF50，真心推介！

自從試用過後，就即刻轉用Orbis呢隻無油防曬底霜，用到佢轉埋新包裝（淺藍色靚過之前白色），可惜係香港已經冇咗專門店，我依家去日本就一定會狂掃貨！有時唔化妝，我會淨係搽Orbis無油防曬底霜，有少少遮暇效果，又可以防曬，一舉兩得！