hehawewa

呢支有色嘅防曬霜，有少少遮暇效果，唔想化妝就咁搽佢出街就得，呢款偏膏狀，有啲杰身，但尚算容易推開，但留意顏色偏白，皮膚黑底就咁搽出街要小心。

質地透薄，防水防汗一流，最啱夏天戶外活動用，玩足全日，補搽一兩次就夠，全身都用得，不過用喺塊面會覺得有少少笠，如果要化妝就唔建議搽面。

顏色係幾靚，不過眼影偏向膏狀，比較難推開，一唔小心會整多咗，畫到花臉貓咁，跟盒支眼影掃好鞋身，掃上眼好拮好唔舒服，唔推介！

呢支係買完再買嘅潤唇膏，超潤又唔笠，冬天搽佢完全冇爆拆甩皮，而且搽佢做底再搽有色唇膏，唔會溝淡色又有滋潤效果。

好用嘅啫喱面膜，玫瑰味唔重，味道清香，十分保濕，用後皮膚變得水嫩光滑，而且佢有能減輕炎症嘅成份，皮膚容易敏感嘅人都啱用。

我的美麗日記出咗咁多唔同款面膜，雖然冇全部試過晒，但呢隻黑珍珠面膜，個人幾鍾意，覺得佢夠保濕，價錢又唔貴，可以日日用。

最出名嘅神仙水。好好用，好保濕、好滋潤，洗完臉再拍神仙水，勁吸收，塊面keep住水潤唔乾燥，抵佢賣咁貴嘅！

可以當眼影又可以當highlight用，如果買Rose嗰隻色，仲可以當埋胭脂用，一盒搞掂晒，帶去旅行最方便。

有40色可選擇，好易推開，用掃輕輕一掃即上色，顏色好自然，化淡妝啱用，平時唔想化全妝，掃少少上面都唔會太誇張，望落氣色都好啲精神啲。

眼妝嚟講我認為最重要係眼線，試過好多唔同品牌嘅眼線液，直至兩年前喺日本發現呢支tattoo eyeliner，一用愛上，佢堅係24小時唔甩，去泰國玩落水玩足成日都冇甩冇化開。依家仲出咗好多唔同顏色，最愛茶黑色。

呢支係L'Occitane皇牌潤手霜，一直冇機會試，上年聖誕收到盒box set，裡面有支試用裝，最近開嚟用，一用愛上，其一自己偏愛無花香嘅潤手霜，其二佢真係好滋潤又唔笠，準備入手大支裝！

遮瑕力度算唔錯，質地較厚身，比較難推開，而且得兩種顏色，1色偏白，2色自然，但我膚色介乎1、2色之間，要兩隻買晒溝埋用先啱色，好彩價錢平。