KikoC

超好用！！有陣時真係去玩完勁攰返到屋企，唧幾下就已經可以落曬成個面妝！又保濕，唔笠！清爽舒服！再攞張濕紙巾抹下塊面訓得xD

如果唔係有啲錢，真係用唔起！成百幾蚊一支手霜，又唔係特別潤！個質感似保濕面霜咁，如果唔係做facial個陣個美容師借我用，我自問真係用唔起

係幾好用嘅，唔會話好油又夠潤！不過價錢偏貴！同埋用到尾要花啲心機將佢剩底個啲撩埋出嚟用，試過溶咗個底落樽仔，都可以用勁耐

臭到爆炸！！用完仲要成塊面爆粒粒，有大有細！掛住個法國牌子旗號，仲衰過啲韓國嘢！敷咗上面15分鐘都想死。。腥到想死

的確幾好用，唔會好笠！不過依家自從用完exxxx hxxxx之後真心呻笨！效果一樣卸妝力強，佢一支仲可以買人地幾支~_~個價錢好似淨係買佢個夠囉囉囉

十足十漱口水咁，用完又冇咩特別，又唔係話特別乾爽！講真，如果要我比呢個價錢買咁細支嘢仲要同漱口水陣味冇分別！我情願買幾支漱口水

的確好保濕，又幾好用！不過呢個價錢絕對可以出得買到更加多更好嘅保濕面霜，英格蜜兒啲嘢佢的確算好用，不過牌子真係太奢侈

Shinmer啲嘢不嬲都麻麻，如果唔係個陣去做facial送，都唔會考慮用！一劃上去眨兩下眼就已經印咗條痕上眼皮，出一陣街已經變熊貓眼

始終止汗噴劑真係好用好多，效果又勁啲！一直都用開呢個牌子，有好幾隻都好好用，不過呢個個㩒制位有啲搞笑同難㩒~__~

一直我都好中意呢個面霜，抵用又好用，夠保濕又易吸收，用完好明顯feel到水潤咗好多！不過好可惜，已經停咗產唔出，係消費者一大損失丫T.T

聖誕個陣買嚟公司抽獎一流，成公司都女人實用得著，不嬲我都buy missha嘅眼影，唇膏個色都偏紅，可以當胭脂用都得，價錢又中等

好厚妝，就算點推都好厚，所以遮瑕度超高！完全啱曬面部勁多瑕疵，毛孔粗大都遮到！唔易溶，經得起考驗xD有陣時當佢遮瑕膏用都唔錯