BoLeePinkOn

顏色選擇雖然唔多，不過都係好睇嘅，質地幾滑，容易推開塗抺均勻，上色效果良好，薄薄一層已經好靚，唔會太誇張日妝都啱用，持久度反而無想像咁好。

搽上面妝感比較重，適合夜更場合，但效果自然唔會似紙札公仔，因為呢隻胭脂質地非常幼滑，推開後會好似同肌膚融合咗咁，啲色唔會一撻撻好假咁嘅樣。

而家防水眼妝越出越勁，卸妝產品都要有返咁上下先應付到，近期用呢隻眼部速效眼部卸妝都幾好用，佢去除眼妝夠乾淨，性質亦溫和唔乸眼。

呢隻保濕啫喱我認為唔錯，滲透力好快質地唔笠，唔化妝搽都有少少修飾作用，毛孔睇落細緻咗無咁粗大，不過鎖水功能我覺得一般，持久度唔算 keep得耐。

呢隻香水無論外觀同氣味都非常適合夏天嘅感覺，淡淡嘅顏色令人聯想到清徹湖水，就咁望已經好涼快！香水本身已有好香嘅花味，加上薄荷檸檬更覺清新。

咁啱shopping見之前果支差不多用完順便買枝試下，見佢都唔算貴。買咗覺得幾滿意，佢滋潤得來幾透薄，唔會搞到油淋淋，死皮同乾紋亦少咗。

The body shop 植物幹細胞活肌去角質啫喱唔錯，唔鍾意用平時果D磨砂膏嘅話可以考慮下呢隻，同類產品中我覺得呢隻幾抵，買得過。佢質地水嫰，去除角質有效而且溫和，用完肌膚更加順滑，搽嘢都易吸收好多~

呢隻BB cushion幾抵買，佢質地好保濕，同埋都幾透薄，塗抺後膚色變得更亮白均勻，可以營造出自然嘅裸妝，遮瑕我覺得一般至中度，持久力算係唔錯。

呢隻黃金琥珀精油面霜我覺得比較滋潤，啱秋冬用多啲，不過佢質地好正，勁易推開又吸收得快，雖然好潤但唔會有負擔感，缺點係價錢太貴。

無咩特別，只係買咗個粉餅順便買埋個粉盒咁解。個盒銅金色又襯埋啲菊花圖案幾靚幾吸引，唔會好似普通case咁單調，講咁多一句到尾只係女人天性鍾意使錢。。。

呢隻內觀內肌精萃露保濕做得幾掂，滲透得快，但又唔會太潤有返啲清爽感，可以做到令肌膚維持平衡嘅狀態，不過我覺得都係貴咗啲，因為佢保濕係好嘅，但又無咩其他特別之處。

唇膏顏色選擇多，啲色亦都幾靚，加咗啲珍珠粉末令到個效果更亮澤但又未至於閃閃令誇張果種，唔會太少女或太成熟，好多女士都會適合。