BoLeePinkOn

質地厚身同較潤，不過還好唔算難吸收，眼睛乾紋重嘅人士應該會覺好用，緊緻效果不俗，黑眼圈有改善，成個樣睇落都精神咗好多。

防曬度高之餘質地清爽唔笠，調色效果自然，適合戶外活動又想影靚相嘅朋友們，不過佢雖然令膚色更均勻亮白，但遮瑕力就只屬於一般般。

蜜糖氣味清香，搽上面質感自然，但我覺得油潤咗啲同厚身咗啲，乾燥肌用其實效果幾好，所以我最多會冬天先會用下，唔係我嘅必選。

呢隻身體噴霧比淡香水仲要淡，所以香味預咗唔會太持久，我多數用嚟噴下衫褲，馬鞭草香味我個人幾鍾意，覺得聞起嚟非常清新舒爽。

雖然持久度唔算好勁，不過呢套組合都幾值得買嘅，佢一盒有齊眉蠟同眉粉，容易上色而且效果自然，仲附設埋眉箝，真係非常方便貼心。

夏天肌膚都需要做保濕但有時真係唔多想搽潤膚霜，不過呢隻就好啱夏日使用，啫喱質地保濕得來水潤感較重無咁笠，仲冰涼涼咁好舒服好relax 。

個效果都幾特別，遇到體溫會溶化令到粉底更融合貼服，出嚟嘅感覺都幾順滑自然，不過呢隻質地比較厚身，我個人就始終鍾意清爽形多啲。

值得推介嘅眼影，質地非常輕柔水潤，塗抺容易，搽上眼顯色度高得嚟好自然，有種透薄感，唔會死實實好俗咁，可以隨心所欲打造想要嘅濃淡效果。

又唔算話好必須要買，但用咗錦上添花嘅產品，佢可以提亮眉骨位置令妝效更突出，效果自然，平時淡妝用都唔會突兀，質地幾順滑，不過要練多啲先開始掌握到佢個用法。

呢隻BB底霜質地幾貼服好推，調色效果非常自然，膚色望落紅潤健康咗，裡面蘊含礦物水及Jisten成分滋潤及紓緩肌膚，化妝同時保護。其實就咁搽佢亦已經好好睇，可以塑造到一個不俗嘅偽素顏。不過個人覺得防曬度數再強啲就更好。

呢隻面膜我會响狀態唔好又要化妝前做急救用，佢補水速度好快，用完即見到有返光澤同埋彈性，毛孔細緻咗啲，搽粉底易上兼且貼服不少。

呢隻魚子日霜算係幾好嘅，水潤透薄，快滲透又容易吸收，保濕力都keep得幾耐，但用落一排又唔覺有太特別功效，所以覺得佢賣得貴咗，只係一隻質地算唔錯嘅日霜而已。