BoLeePinkOn

呢支限量版雙頭眼彩筆顏色非常吸引又使用方便，一支可以用嚟做曬眼綫筆同埋眼影，質地順滑又容易上色，我個人比較鍾意用嚟當眼影用，佢好易掃開做到漸變效果，又可以混搭其他眼影，感覺幾多元化，眼綫唔係唔靚，但返工唔太啱。

我幾欣賞呢隻輕透蜜粉係佢控油得嚟質地幾貼薄順滑，有啲聲稱有控油只不過係搞到塊面乾爭爭，呢隻無呢個毛病，keep到肌膚油水平衡，柔焦效果妝容好細緻。

呢隻粉底幾適合依家開始寒冷嘅天氣，冬天容易氣色差，就算搽咗粉底好多時唔使幾個鐘就變得暗沉，但呢隻亮肌精華粉底keep到頗長時間，仲好夠保濕唔怕乾燥。

好滿意呢支睫毛液，效果真係夠曬濃密烏黑，捲曲度同持久度都好掂，雖然算係少少貴，但未至於去到離譜果隻，而且又好用我認為都值得買嘅。

質地幼細，顯色度唔錯，一盒四色可以配搭塑造金屬感或啞緻各種唔同妝效，色澤亮麗持久，最欣賞佢塊鏡夠大，真正夠實用，好多時啲鏡都細塊到都唔知有咩用。

買咗佢隻氣墊粉底緊係要配埋個粉盒先完美啦，呢隻粉盒簡單得嚟高貴大方嘅配色，令人愛不釋手，朋友見我攞出來用都想知幾錢話鍾意。

呢隻潤膚露香味一般，唔算特別吸引，性質方面我覺得唔算話好快吸收但可接受，滋潤效果唔錯，仲keep到幾長時間，尤其冬天果排，手手腳腳少咗乾紋同皮屑

隻味好聞，香得嚟唔俗，但功能真心一般，用咗無咩特別，質地比較濃厚，即時滋潤效果算係唔錯，但鎖水唔算keep得持久，值唔值得買見仁見智。

我幾鍾意呢隻面霜，打破我對抗衰老產品一向厚重油潤嘅印象，真正做到清爽無黏膩感，肌膚用完覺得好水潤，保濕效果亦算維持得幾耐下。

顏色幾突出，防水性強持久度良好，不過筆尖非常幼細，呢點可以話係優點或者缺點都得，功夫未到家會覺得難控制，識用嘅話除咗眼線，仲可以用佢玩下啲特別繪圖，因為佢筆觸頗為流暢。

質地幼滑，容易推開，我個人感覺幾好用，佢裡面含有粉末有效遮掩細紋及粗大毛孔，令到個底妝產生出一種柔焦效果，肌膚望落去細緻咗好多，而且用佢打底後化妝KEEP得耐咗。

大地色眼影永遠有佢存在嘅價值，因為佢係眼妝嘅基礎永遠唔會過時，呢盒有齊深淺不同嘅顏色，適合唔同膚色同眼睛，打造自然立體妝容。