BoLeePinkOn

每次OT或者返通頂後敷呢隻面膜就馬上叉足電，疲累感同埋暗啞全部一掃而空！面膜質地清新，有降低肌膚溫度作用，感覺非常refresh～

呢隻去角質泥面膜質地好柔軟易塗抺，唔會太硬(我用過有啲幾難搽得勻)，潔淨效果非常好，值得推介，另外用完肌膚亦比較有光澤。

質感溫和清爽，唔會搞到肌膚太乾或者太乸，除咗暗瘡對付粉刺暗粒亦幾有效。出暗瘡搽佢同之前用過嘅牌子比較，癒合傷口速度更快，無咁易留疤。

呢隻粉餅好用，尤其係適合秋冬乾燥天氣，佢裡面含有珍貴滋潤成份，搽完肌膚會覺得好柔滑細緻，保濕得嚟唔笠，妝效方面算係自然嘅。

呢隻草本療法淨化面膜價格唔貴，功效亦不俗，佢材料天然，搽上肌膚除咗質感舒適用得亦放心，用後幾乾淨，鼻邊啲黑頭都清咗唔少。

我本身幾鍾意一啲比較啞緻嘅妝容，所以呢隻柔滑搪瓷防曬粉底液幾啱我心意，佢粉質好滑，遮瑕度唔錯但唔會整到個好厚粉，持久度差少少不過可接受。

平時都會用下泥面膜做返個深層清潔，但好多時會搞到乾燥同繃繃緊，最近用呢隻就無呢個毛病，佢清理污垢效果好得，仲加入咗木瓜酵素，令肌膚柔軟有光澤。

呢隻玫瑰保濕精華花香味好香濃，但係屬於天然唔係人工香精果種，所以我幾like，質地有啲啫喱狀，唔太杰比較水潤感，感覺頗清新，保濕效果幾掂，唔油膩。

我個人幾鍾意呢盒雙色眉粉，自問畫眉技巧麻麻，而且比較喜歡自然唔太工整嘅款式，所以佢幾適合我，顏色自然，最滿意係佢個擦頭上色均勻又易控制。

我覺得佢嘅質地無預期咁好，搽果下好似幾潤咁，但滋潤效果維持得唔長，始終要用其他潤唇膏打咗底先，不過就好在好順滑易塗，色澤靚，搽後唇部有豐盈感。

我覺得呢隻粉餅唔錯，搽上面幾貼服同埋都算透薄自然，有控油效果但唔會太乾，keep到肌膚水份，遮瑕力良好，總體來說各方面表現都滿意～

試噴果陣覺得甜咗啲，但過咗陣就變得清淡咗，香味亦恰到好處，俾人一種年輕有活力嘅感覺，只係維持得唔係幾耐，兩三個鐘就無開始咩味。