BoLeePinkOn

價錢唔貴，而且睇埋效果都用得過，其實用完呢隻面膜又唔係話令到我皮膚白咗幾度咁誇張果種，但係佢有幫到我去除暗啞兼且提亮咗，睇落更加係有神彩。

呢隻日霜幾好用，係我心水之一。質地屬於滋潤形但唔會好油好笠，感覺啱啱好，大部分性質肌膚應該都啱用，緊緻效果唔錯，身邊人都見到有分別。

買咗日霜先，覺得幾好用所以配埋呢隻晚霜，但呢隻油潤感比較偏重，好彩天氣開始轉涼，所以用起嚟都還好，雖然唔算太鍾意佢嘅質地，但功效係好唔錯，尤其係瞓唔夠肌膚鬆弛，用後係提升同緊緻返。

水狀卸妝始終比油狀清爽同方便，H2O+呢隻質地非常清新溫和，保濕力良好，用後肌膚keep到水潤不繃緊，落妝效果唔差，但濃啲嘅妝要抺多一兩次。

會隨著每個人唔同體溫變化色彩，不過色彩都係偏淡同自然，所以個差異其實唔會好大。滋潤程度我覺得同一般潤唇膏咁上下，保濕唔算特別出色，質地幾順滑，但顏色維持得唔耐。

我覺得呢隻面霜質感偏油潤，會啱乾性肌膚多啲，不過一般膚質冬天用都幾好嘅，搽完好滋潤保濕，有效舒緩繃緊爆拆引起嘅不適感，仲唔會咁易起乾紋。

霜狀質地嘅眼影好順滑貼服，顯色度唔錯，容易控制，化妝技巧唔高或者唔想花太多時間嘅話，用手指薄薄咁搽一層眼部輪廓已經會靚多咗，持久度亦頗為良好。

搽出嚟顏色亮麗，富有光澤感，質地順滑容易塗抹均勻，維持度可以唔會太易撞花，最鍾意呢隻指甲油嘅一點係快乾，啱我無咩耐性去等，唔好係價錢偏貴，想一次過試齊其他色都要諗諗先。

正所謂預防勝於治療，要响皺紋未形成前就做好準備，呢隻精華係唔錯嘅選擇，佢價格唔會好貴，加上質地比較清爽易吸收，尤其適合踏入初熟肌齡嘅女士。

其實呢隻緊緻面膜對我嚟講唔算好快見效，不過都係有用嘅，用咗一盒見到改善咗，面膜紙幾柔軟，剪裁貼面舒適，精華液質地溫和，滲透力亦非常良好。

呢隻好貴，不過今次唔係我買而係我家姐嘅，佢同我唔同，皮膚屬於乾性，所以會比較留意同會買一啲滋潤保濕嘅產品，近排佢用緊話幾好用，化妝都貼服過之前。

呢隻骨膠原精華效果係幾好嘅，做到幫助肌膚更加緊緻，維持水澤有彈性，但係佢價格頗貴，加上我唔係太鍾意佢質地偏黏膩，所以唔會係我首選。