BoLeePinkOn

佢嘅卸妝效果唔錯，乾淨之餘溫和滋潤，洗完臉肌膚清爽唔繃緊，感覺柔軟保濕，價格唔算平，不過每次用量唔需要話好多，所以計返都算OK嘅。

含多種珍貴的中藥成份，隻氣味算叫做可以接受，但點都唔會用好聞來形容。搽上皮膚有啲黏黏地，要俾啲時間推開，用咗都叫做有用，面色係好睇咗同肌膚緊緻咗，但效果唔算好突出，合格至良好水平。

呢隻Guerlain kiss kiss roselip雖然係屬於潤唇膏，但色彩效果一啲都唔差，色澤非常自然亮麗，唔使特登再搽唇膏，適合鍾意低調嘅朋友或者日間活動使用。

呢隻Full lash serum我會每次妝前使用，佢除咗可以作為保護，令妝效更細緻之外，更注入大棗果實萃取液及精氨酸，keep住使用，眉毛同眼睫毛都健康咗好多，無再咁容易甩。

質地水潤保濕但唔會好厚重。呢隻唇彩係無顔色嘅，只係好有亮澤感，本身唇色唔太差嘅話單獨搽都會幾好睇，再唔係可以搽完自己鍾意嘅唇膏再用嚟加強效果。

眼線筆尖非常精細，畫起嚟幾易操控，線條乾淨俐落，顯色度高亦算幾自然。有防水防油功效，個人覺得雖然未至於去到全日都唔甩咁勁，但係都keep得叫幾耐。

大半年開始發現面部肌膚開始無咁緊緻，亦都開始留意一啲可以改善嘅護膚產品，近期發現呢隻悦肌再生緊緻塑顏霜，用咗兩個星期開始見效，塊面提升返咗啲，睇落無咁憔悴，有返啲朝氣。

粉質幾幼滑，有啲似搽爽身粉，之前未試過粉狀嘅護膚產品，感覺幾有趣。用咗一段時間，都OK有用，特別係毛孔問題確實有唔少改善，粗大嘅位置見到收斂咗。

Clarins四合一磨砂潔面乳係懶人嘅恩物，佢可以一次過進行卸妝，潔面同磨砂嘅功效，性質溫和唔刺激，能夠有效清除彩妝及毛孔污垢，非常方便。

呢隻指甲油好特別，搽落去果下係啫喱液體狀，乾透就會變成固體，易搽又快乾，色彩鮮明有亮澤感，效果都可以keep到幾耐下，唔會好易刮花，顏色選擇亦頗多。

佢好適合我偏油性皮膚使用，質感非常輕盈透薄，唔侷促，無負擔感，能夠修飾粗大毛孔，肌膚即時變得更細緻，而且控油效果亦唔錯，用後妝容比平時維持得更耐。

呢隻美腿調色霜著短褲果陣好啱用，可以修飾雙腿，望落膚色均勻咗同修長咗，有啲似著咗絲襪嘅效果，但舒服過著絲襪。含咖啡鹼，可以幫助去水腫。