BoLeePinkOn

呢隻玫瑰水盈面膜唔貴之餘效果亦幾好，玫瑰味香得嚟但唔會好假或者好俗，敷上臉質感覺清新，用完肌膚即時補充返晒水份，變得更柔軟有光澤。

呢隻蜂蜜滋潤身體磨砂霜係我覺得其中一隻值得推薦嘅，佢成份天然，能夠溫和軟化及去除老化角層，粒子非常幼滑，唔刺激皮膚，用後感覺滋潤舒適。

防曬度數偏低咗啲，不過如果唔係長期逗留戶外算可以接受嘅，質地比較潤，適合乾性皮膚使用，所以我會冬天先用佢，因為佢真係幾潤澤保濕嘅。

佢有定形功效同有啲細微纖維，搽完可以令眉毛睇落豐厚咗整齊咗，效果唔錯幾自然，仲有唔同顏色選擇，可以揀襯返自己頭髮嘅顏色。

雖然平時以淡妝為主，但我都覺得女人點都要有返一兩支女人味重啲嘅唇膏，最近好鍾意呢支Chanel 閃漾亮澤唇膏，佢顏色鮮艷持久，仲非常潤澤不顯唇紋。

呢隻礦物逆齡眼霜對於改善乾紋好有用，滋潤度高不過唔算笠，吸收力一般正常，對付黑眼圈有啲用但唔至於好得，整體算唔錯，所以覺得佢個價合理嘅。

我覺得呢隻睫毛液一般般，無論纖長同濃密嘅效果都唔特別出色，同埋效果維持得唔耐，但我幾鍾意佢個擦頭設計，可以做到均勻地沾取液體，接觸角度亦夠全面。

呢隻按摩油質地滋潤，不過好在唔算笠，有啲檸檬精油嘅香味味幾提神，唔覺得有纖體效果，但膚質係好咗，同埋大腿位置啲橙皮紋有啲改善。

我都幾鍾意呢類多功能彩妝產品，有時懶或者趕出門唔使諗個妝點襯，而且呢隻勝在質地柔滑，濃淡度容易控制，可以隨心所欲塑造唔同效果。

呢隻遮瑕我覺得好用，份量容易控制，可以均勻地搽响所需要位置，效果良好，特別係毛孔粗大位置，望落去細緻咗不少，暗瘡印亦都唔錯。

好怕啲眼線筆太硬又難上色，好易拉扯到眼部肌膚鬆弛，最近買咗呢隻眼線筆，佢係啫喱質地，易上色又夠順滑，仲有防水防油功效，都幾啱我。

我眉毛算深色同粗，但可惜唔均勻，平時用眉粉眉筆啲空隙位都好難上色，同事推介我用呢隻眉膏，解決咗我嘅煩惱，質地柔滑易控制，效果又keep得耐，唔錯啊。