BoLeePinkOn

之前試過佢同系列嘅精華同面霜印象唔錯，所以試埋呢隻眼部精華，但相對來講呢隻效果就麻麻，只係涼涼地+按摩滾珠，幾清爽同有啲去疲倦feel，一用無妨，但唔值得特登去買。

呢隻香水我覺得唔錯，十分清香，雖然都係啲花香味，無咩特別驚喜，但香水講到尾最緊都要係好聞。不過可能係淡香水嘅關係，香氣維持得唔耐。

我覺得佢隻香味比較大路，唔算好特出，清清地嘅木香加柑橘味感覺清新提神，容易令人接受，風格中性，唔會偏向太男性化或女性化，咩人都適合。

呢隻抺茶抗污潔淨面膜打開聞到淡淡抺茶香味，感覺唔錯，有少少磨砂粒子幫助去除死皮，質地都算透薄，敷上面後唔會太乾，用完肌膚乾淨亮白咗，非常清爽。

一隻價格與成效唔成正比嘅產品。好處係話晒係資生堂出品，點都有返啲保證唔會差得去邊，起碼搽落去質地係良好嘅，潤澤保濕，透薄又容易吸收，但用完大半支見到個效果只係一般嘅時候，就會覺得佢嘅定價太貴啦。

質地細滑，含有保濕成份防止肌膚乾燥，非常順滑貼服，效果自然透薄，而且可以維持到一段長時間唔脫妝，膚色亦唔會變得暗啞，整體表現良好。

我本身嘴唇偏乾，尤其一到秋冬就成日甩皮流血，甚至會出嘴瘡，朋友介紹用呢隻後改善咗，佢滋潤之餘無香料無色素，敏感肌都用得，對付發炎幾有效。

之前一直聽過Fresh呢隻黃糖滋潤面膜口碑不俗，最近天氣轉涼終於入返盒先，打開就聞到清甜士多啤梨香味，清洗容易，用後感覺滋潤，亦見到臉色提亮咗不少。

價錢我認為貴咗少少，因為我用咗個成效並唔係咁明顯，佢都算清爽嘅，搽上肌膚好快吸收同幾夠保濕，但就覺得同使用一般面霜分別唔大，只係質地叫做唔錯。

呢隻眼影我幾滿意，啲色幾靚，有啲閃閃地。質地係輕盈乳霜狀，含有保濕成份，搽上眼覺得好順滑，感覺舒適，而且值得一讚係持久度真係唔錯。

絶對係一分錢一分貨，Chanel Le Vernis 指甲油唔單止色彩豐富鮮明，質地順滑唔容易撞花，仲特別添加生化陶與脂質，能夠呵護指甲，強化並且促進指甲健康。

用起來幾方便，唔使自己捽就有豐富泡泡，性質算溫和，無刺激感，但略嫌卸妝力唔夠徹底，要過多次先乾淨，但以咁平價格嚟計唔差，一試無妨。