BoLeePinkOn

呢隻好好用，一支有齊防曬，底霜同埋粉底功能，質地保濕得嚟唔侷促，效果透薄自然，遮瑕力就一般咗啲，適合鍾意淡妝嘅女仔。

試過好些頭髮噴霧，呢隻保濕效果我就覺得普通滿意，無咩特別期望不過不失，但係就幾like佢嘅香味，玫瑰香好清新自然，有效去除異味。

有少許未如理想嘅感覺，佢只係搽完果下有啲滋潤同令令地，但維持得並唔算持久，亦唔多覺有咩骨膠原，不過色澤係吸引嘅，沙淡淡嘅粉色令人增添少女感。

對洗面膏無咩特別要求，平貴都會試，Olay呢隻我覺得幾抵，起碼大路品牌，就算係平價產品都唔驚買到唔知咩嘢，有返啲保證先，效果亦唔錯洗得幾乾淨，不過只係嫌佢有啲難起泡。

通常落妝我都盡量眼部再用專門嘅卸妝液，呢隻試過唔差，性質溫和無香料，絕對唔會乸眼刺激皮膚，一般淡妝睫毛液都洗得夠乾淨。

十分保濕滋潤，搽上後會形成一層薄膜，令雙唇望落有種豐盈飽滿嘅感覺，顏色比較淡薄透亮，似唇彩，想實色啲再搽就可以，效果可隨自己喜好控制，我覺得唔錯。

呢隻明亮唇膏，顏色亮澤自然，保濕度都唔錯，非常適合日常活動或者返工，選擇亦都幾多下，但唯一不足就係持久度無預期咁理想。

呢隻更生面部及身體磨砂俾整體一般，唔算差，但做面部磨砂粒子粗咗啲唔夠幼滑，做身體磨砂就幾好去死皮幾乾淨，但計返個價格就覺得唔係咁值。

呢隻輕柔水凝身體防曬乳質地清爽唔笠，仲有保濕功能，所以平時無化妝我都會用佢搽埋面，防曬效果唔錯，用後的確無曬傷甩皮情況，keep住肌膚水份，亦無咩點變黑，都算守得住。

Comfort Zone水凝記憶補濕面膜好用，值得推薦。質地清新水潤，補濕效果良好，肌膚感覺很柔軟有彈性，而且每次只需薄薄一層就足夠，用量很節省。

Dove呢隻日本植萃滋養沐浴乳價格相宜，但質素絕對有返咁上下水準，薰衣草香味清新自然，令人感到心情放鬆。沐浴露含有各種豐富植物精油，潔淨同時護膚。

雅思臻顏極緻修復恆白精華面膜美白效果真係唔錯，用咗一盒，明顯地改善不少，除咗色斑減淡，膚色亦比用之前無咁暗沉，變得更加亮白均勻，會考慮買第二盒～